Ադրբեջանական APA լրատվական գործակալության հաղորդմամբ, 2012 թվականին ԱՄՆ-ն պլանավորում է Հայաստանին հատկացնել 8 միլիոն 750 հազար դոլար, իսկ Ադրբեջանին` 5 միլիոն 248 հազար, ինչը նշվել է ԱՄՆ Պետդեպարտամենտի վերջին հաշվետվության մեջ:
Հայաստանին հատկացվող միջոցներից 4 միլիոն 450 հազար դոլարը տրվում է Եվրոպային, Եվրազիային և Կենտրոնական Ասիային օգնության ծրագրի շրջանակներում (AEECA), 3 միլիոն դոլարը` FMF, 450 հազար դոլարը` IMET, 850 հազար դոլարը` NARDP, 2 միլիոն 500 հազար դոլլարը` AEECA, ինչպես նաև NARDP ծրագրի շրջանակներում պլանավորվում է հատկացվել 850 հազար դոլար, 660 հազար դոլլար AEECA ծրագրի և 3 միլիոն դոլար` FMF ծրագրի շրջանակներում` անվտանգության և կայունացման ոլորտի բարեփոխումների գործընթացի համար, 750 հազար դոլար` միջազգային հանցագործության դեմ պայքարելու համար, 540 հազար դոլլար` կոնֆլիկտների կրճատման և խաղաղ միջոցառումների համար:
Ադրբեջանին հատկացվելիք միջոցներից 483 հազար դոլարը AEECA ծրագրի շրջանակներում կտրվի, 683 հազար դոլարը 865 հազար դոլլարից կտրվի NARDP ծրագրի շրջանակներում, 300 հազար դոլլարը` միջազգային հանցագործության դեմ պայքարելու համար և անվտանգության ոլորտում կարգավորման ու բարեփոխումների համար կծախսվեն 3 միլիոն դոլլար` FMF , 900 հազար դոլլար` IMET, 365 հազար դոլլար` NARDP ծրագրերի շրջանակներում:
Փաստաթղթում նշված է, որ ռեսուրսներով հարուստ Կասպից ծովի անվտանգության ուժեղացման համար նավատորմի անձնակազմի հետ թրեյնինգներ կանցկացվեն: Հատուկ օգնություն կտրամադրվեն սահմանապահ և մաքսային ծառայություններին, ինչպես նաև` պատերազմի ժամանակներից մնացած պայթյունավտանգ նյութերի ոչնչացման համար: