«Մարտի 17-ի հանրահավաքը լինելու է աննախադեպ»,- այսօր հայտարարեց Հայ ազգային կոնգրեսի համակարգող Լևոն Զուրաբյանը: Ըստ նրա` հանրահավաքն աննախադեպ է լինելու ոչ միայն իր մարդաշատությամբ, այլև ներկայացուցչականությամբ:
Լևոն Զուրաբյանի խոսքերով, հանրահավաքին ներկա են լինելու մարդիկ, որոնք ոչ միայն երբևէ աչքի չեն ընկել իրենց քաղաքական ակտիվությամբ, այլև եղել են իշխանությունների քաղաքական հենարանը:
Թե ովքեր են այդ մարդիկ, պարոն Զուրաբյանը չասաց, միայն նշեց.
«Եկեք հանրահավաքի, և չեք փոշմանի»:
Լևոն Զուրաբյանը նշեց, թե հանրահավաքը շատ բազմամարդ է լինելու և կոչ արեց ոստիկանությանը Իսահակյան-Տերյան խաչմերուկից փակել Կորյունի փողոցը: Նաև կոչ արեց ոստիկաններին զերծ մնալ սադրանքներ հրահրելուց: