«Առաջին լրատվական»-ի զրուցակիցն է «Կովկաս» ինստիտուտի տնօրեն, քաղաքական վերլուծաբան Ալեքսանդր Իսկանդարյանը:
-Պարոն Իսկանդարյան, օրերս ԵԱՀԿ Մինսկի խմբի ամերիկացի համանախագահ Ջեյմս Ուորլիքը հանդես եկավ ԼՂ հակամարտության կարգավորման ամերիկյան վեց սկզբունքներով: Ըստ Ձեզ՝ ի՞նչ նպատակ ուներ հիմա այդպիսի հրապարակային ելույթով հանդես գալը, եթե հրադադարի 20-ամյակի կապակցությամբ Մինսկի խումբը միասնական հայտարարությամբ հանդես եկավ:
-Դրանք Ուորլիքի վեց կետերը չեն, այլ՝ այսպես կոչված մադրիդյան սկզբունքների զարգացումը, որոնք ներկայացված են եղել Լ՛Ակիլայի և Մուսկոկայի համատեղ հայտարարություններում: Այսինքն՝ արդեն 2011թ. սեղանին դրված սկզբունքներն են, սկզբունքները դրվեցին հրապարակային քննարկման: Իհարկե, դրա մասին գիտեին բոլոր փորձագետները, որոնք զբաղվել ենԼՂ հակամարտությամբ, այս մասին իմացել են լրագրողները, խոսում էին սրանց մասին: Բայց այլ հարց է, երբ այս մասին խոսում են մարդիկ, որոնք որոշումների կայացման հետ կապ չունեն, այլ հարց է, երբ խոսում են ներկայացուցիչներ, որոնք ներկայացնում են երկրներ:
Նույն Մադրիդյան սկզբունքների հրապարակումն են: Իմաստն այն է, որ այն սկզբունքները, որոնք սեղանին են դրված, ևս մեկ անգամ հրապարակվեցին բացահայտ կերպով: Ինչո՞ւ հիմա: Իհարկե նրա համար, որ իրականում 20 տարի էանցել հրադադարից, և 20-ամյակին անհրաժեշտ էր ինչ-որ կերպ անդրադառնալ:Երկրորդ՝ Ուորլիքը բավական փորձառու դիվանագետ է, նանոր համանախագահ է, և ամերիկյան կողմին անհրաժեշտ էր մի բան ասել, ինչ-որ կերպ արտահայտվել: Երրորդ՝պետք է ինչ-որ կերպ վերակենդանացնել բանակցությունները:
-Մտավախություն չունե՞ք, որ համանախագահ պետությունները կսկսեն առանձին-առանձին գործել:
-Համանախագահները միշտ էլ առանձին-առանձին են գործել, և միշտ էլ այդպես է եղել: Բացի միասնական դիրքորոշումից, որը ժամանակ առ ժամանակ լինում է, կա մեկ առանձին դիրքորոշում ՌԴ-ի կողմից, առանձին դիրքորոշում Ֆրանսիայի կողմից, առանձին դիրքորոշում ԱՄՆ-ի կողմից: Բայց ես չեմ կարծում, որ այս հայտարարությունը բացառապես ամերիկյան էր: ԵԱՀԿ Մինսկի խմբի մյուս համանախագահների կողմից, ամեն դեպքում, սրան քարտ բլանշ էեղել, որը երևում էհաջորդող հայտարարություններում կամ մինչ դա, երբմեկ այլ համանախագահ՝ ՌԴ համանախագահը, շատ անգամ ակտիվություն է ցուցաբերել: Նա ևս քարտ բլանշ ուներ: Նոր բան չկար: Որևէ սարսափելի բան տեղի չի ունեցել:
Հարցազրույցն ամբողջությամբ՝ տեսանյութում:
