Արամ MP3-ին օդանավակայանում դիմավորելու էին եկել նաև Արամի մայրն ու մորեղբայրը: Վերջինս նոր էր վերադարձել Եվրոպայից: Նա «Եվրատեսիլի» արդյունքները համարեց ամբողջովին անարդար՝ ասելով, որ կար կողմնապահություն:
«Ես Բելգիայում էի այդ ընթացքում, իմ ընկերները ծանոթները՝ բոլորը ձայն էին տվել Արամին, բայց արդյունքները տեսաք»,- ասաց նա՝ հավելելով, որ Արամը առնվազն երկրորդ և ոչ թե չորրորդ տեղը պետք է զբաղեցներ:
Անդրադառնալով առաջին հորիզոնականը զբաղեցրած Կոնչիտային՝ նա նշեց. «Հիմարություն է, այդպիսիներին չպետք է թողնել բեմ բարձրանալ, դա աբսուրդ է: Նրա երգն էլ չէի ասի, թե լավն էր, ինձ դուր չի եկել»,- հավելեց Արամի մորեղբայրը:
Արամի մայրը գոհ է որդու կատարումից. «Ինձ թվում է՝ նորմալ էր ամեն ինչ, արդյունքները պետք է ժողովուրդը ասի: Որպես մայր՝ դժվարանում եմ ասել, իհարկե՝ ես ավելին էի սպասում, միայն լարված էի՝ վախենում էի, որ հանկարծ չսայթաքի, հանկարծ ինչ-որ բան այն չանի»:
