«Ինքնասպանության խնդիր չկա, պատահականորեն կրակել է, կարող է՝ զենքին չտիրապետելու հետևանքով». «Առաջին լրատվական»-ի հետ զրույցում ասաց ՀՀ ԶՈՒ Իջևանի թիվ N զորամասի հրամանատար Միհրան Մախսուդյանը՝ անդրադառնալով տեղի զորամասում մահացած ժամկետային զինծառայող Ներսես Կարապետյանի մահվան հանգամանքներին: Հրամանատարը նաև հավելեց, որ ինքնասպանության վարկած չկա, «ինքը էն զինվորի չի, որ ինքնասպան լիներ, կամ որին կրակեին։ Ծառայողական քննություն է ընթանում»։ Մախսուզյանը նաև ասաց, որ Ներսեսը բարեխիղճ , կարգապահ ծառայող է եղել:
Մինչ հրամանատարը պատմում էր, նրա կողքին կանգնած այլ զինվորականներ փորձում էին խոչընդոտել «Առաջին լրատավական»-ի աշխատանքը՝ հորդորելով ոչինչ չնկարել: Նրանք անգամ տեսախցիկին հարվածեցին: Նրանց բարկացրել էր հարազատների այն պնդումը, թե զինվորը բենզինի պակասորդի պատճառով է մահացել:
Հրամանատարը ևս չցանակացավ այլևս ոչինչ ասել և միացավ իր ընկերներին՝ փորձելով փակել տեսախցիկի օբյեկտիվը: