Ինչպես հաղորդում է «Ասպարէզը», մարտի 11-ին իրավաբաններ Մարկ Կիրակոսը և Բրայան Քափաթեքը դատական հայց են ներկայացրել իրենց երբեմնի գործընկերներ Վարդգես Եղիայանի դեմ` պնդելով, որ վերջինս և նրա գործընկեր Ռիտա Մահտեսյանը յուրացրել են այն գումարները, որոնք ստացվել են New York Life ապահովագրական ընկերության դեմ Ցեղասպանության ժառանգների դատական գործի արդյունքում 2004 և 2005 թթ.:
Ըստ Մարկ Կիրակոսի և Բրայան Քափաթեքի` Եղիայանը և նրա գործընկեր Ռիտա Մահտեսյանը, համայնքային կազմակերպությունների տրամադրելու փոխարեն, շինծու բարեգործական հիմնադրամի են փոխանցել մոտ 1 միլիոն դոլար:
Եղիազարյանը հայտարարել է, թե այս մեղադրանքները կեղծ են և անհիմն` իր հերթին Մարկ Կիրակոսին և Բրայան Քափաթեքին մեղադրելով ստացված 17 միլիոն դոլար ապահովագրական գումարներից ինչ-որ բաժին յուրացնելու մեջ: