Եգիպտական հատուկ ծառայության կողմից ձերբակալված հինգ ահաբեկիչներ պլանավորել էին Սուրբ ծննդյան օրը զբոսաշրջիկների սպանդ կազմակերպել Սինայի Շարմ աշ-Շեյխ հանգստավայրում:
Սպանդի մասշտաբը պետք է գերազանցեր 2008թ. ահաբեկչական հարձակմանը Մումբայում: Այն ժամանակ ջիհադիստները սպանել էին 166 մարդու:
Դավադիրների գլխավոր նպատակը պետք է դառնային բրիտանացի զբոսաշրջիկները:
Ձերբակալությունները տեղի են ունեցել «Ալ-Քաիդայի» ղեկավար Այման ազ-Զավահիրիի տեսաելույթից հետո, որտեղ նա կոչ է անում սպանել Արևմուտքի երկրների քաղաքացիներին կամ էլ նրանց պատանդ վերցնել:
Միաժամանակ, Եգիպտոսի ՆԳՆ-ն հաղորդում է չորս ահաբեկչական բջիջների անդամների ձերբակալման մասին, որոնք ֆինանսավորվում են արտերկրից:
Al-Masry al-Youm թերթը գրում է, որ նրանց մոտ հայտնաբերել են 63 ռումբեր և շահիդների գոտիներ, 9 արկղ պայթուցիկ և այլ զինամթերք:
