«Առաջին լրատվական»-ի զրուցակիցն է 2008-ին Հրազդան քաղաքի քաղաքապետի թեկնածու Մեսրոպ Մեսրոպյանը։
-Պարոն Մեսրոպյան, այսօր հաճախ է կարծիք հնչում՝ արժե՞ր հաղթել ամեն օր պարտվելու համար:
-Առաջին հայացքից թվում է, թե իրոք չարժեր, բայց ես համամիտ չեմ ասածի հետ այն իմաստով, որ վատ հայրենիք չի լինում, վատ պետություն, վատ իշխանություններ են լինում, և եթե այսօրվա իշխանությունները չեն բավարարում մեր ժողովրդի, մեր ազգային նպատակների պահանջներին՝ սա դեռ չի նշանակում, որ 88-ին երբ տղաները գնում էին կռվի, ազատագրում էին պատմական հայրենիքի մի հատվածը՝ դա սխալ էր: Չեմ կարծում, թե սխալ էր այն օրերի կռիվը, պարզապես խնդիր ունենք արյան գնով ձեռք բերված թանկ հաղթանակը պահելու և տեր կանգնելու:
-Անկախությունը պահպանելու գիտակցությունը հատկապես վերջին շրջանում կարծես վերանում է ՄՄ անդամակցության ֆոնին. Ի՞նչ վտանգներ եք տեսնում:
-Անկախությունն ինձ համար առաջին հերթին ազատ և ազգային գիտակցությամբ ապրելու հնարավորությունն է, անկախ նրանից՝ դա կլինի Հայաստանում, թե Հայաստանից դուրս, չնայած առողջ տրամաբանությունը թելադրում է այն, որ ամեն հայ, շատ ավելի լավ կլիներ, հայրենիքում կարողանար իր կյանքն ապրել։ Թե ինչու թուլացավ անկախության գաղափարը մեզանում, պատճառները տարբեր են՝ տնտեսական, քաղաքական, մշակութային, աշխարհաքաղաքական, այս ամենի արդյունքում ունենք այն, ինչ ունենք:
Իշխանությունները տարիներ շարունակ կտրվեցին երկրի իրականությունից, առօրյայից, ժողովրդից, ծառայեցին ոչ թե ժողովրդի շահերին, այլ իրենք իրենց շահերին, հիմնական նպատակ դարձավ սեփական ունեցվածքը ամեն գնով բազամապատելը:
Հարցազրույցն ամբողջությամբ՝ տեսանյութում: