Եթե 2010թ.-ի նախատոնական օրերին Պարսկաստանից ձու ներկրվեց Հայաստան ձվի դեֆիցիտը լրացնելու համար, ապա այսօր պարսիկներն են Հայաստանի թռչնաֆաբրիկաներից արտահանման նպատակով ձու խնդրում, քանի որ նրանց մոտ ևս նախատոնական օրեր են սկսել։
Այս մասին մեզ հետ զրույցում նշեց ՀՀԿ ԱԺ պատգամավոր, «Լուսակետի» սեփականատեր Խաչիկ Մանուկյանը և ավելացրեց, որ դժվար թե նրանց խնդրանքը բավարարվի, որովհետև մեզ մոտ Զատիկն է մոտենում։ Խաչիկ Մանուկյանի խոսքերով, արտահանման նպատակով Պարսկաստանին ձու կմատակարարեն միայն այն դեպքում, եթե նրանք երկարաժամկետ պայմանագիր կնքեն։