Ադրբեջանական SalamNews լրատվական կայքի հաղորդմամբ, Ռուսաստանի Իսլամական կոմիտեի առաջնորդ, հայտնի քաղաքագետ Հեյդար Ջեմալն ասել է, որ Հայաստանում քաղաքական իշխանությունների փոփոխություններն ի վիճակի չեն նշանակալից ազդեցություն ունենան Ղարաբաղյան հակամարտության հարցում:
«Ներկայումս նոր մարդկանց իշխանության գալու հավանականությունը Հայաստանում շատ մեծ է: Ընդդիմությունն ունակ է մինչև 100 հազար մարդ հրապարակ հանելու»,- SalamNews –ին ասել է Հ.Ջեմալը` արտահայտելով իր տեսակետը Երևանում մարտի 17-ին պլանավորված միտինգի մասին: Նրա խոսքերով հայաստանյան իրադարձությունները շատ բուռն են ընթանում և Ս. Սարգսյանը զգում է, որ իր ոտքերի տակ հողը դառնում է էլ ավելի անկայուն:
Միևնույն ժամանակ, ըստ Հ. Ջեմալի, դա ամենևին չի նշանակում, որ իշխանափոխության պարագայում Ղարաբաղյան հակամարտության կարգավորման քաղաքական կուրսի կտրուկ փոփոխություն տեղի չի ունենա:
«Դա ռեալ չէ: Հայաստանում ով էլ կանգնի իշխանության ղեկին, ի վիճակի չի լինի խաղաղ ճանապարհով Ադրբեջանին վերադարձնել օկուպացված տարածքները: Լեռնային Ղարաբաղի հակամարտության կարգավորման մեջ տեղաշարժի կարելի է հասնել միայն ռազմական ճանապարհով»,- նշել է Հ. Ջեմալը: