Եվրոպական դատարանը սկսել է 2008թ. Ընտրական և հետընտրակսն շրջանում ընդդիմության ձերբակալված ներկայացուցիչների` Եվրոպական դատարան ուղղարկված գանգատներին ընթացք տալու գործընթացը` կոմունիկացիայի պրոցեսը, որը ենթադրում է Հայաստանի իշխանություններին ուղղված մի շարք հարցերի հստակեցում, որոնք առնչվում են ձերբակալվածների գործերին:
«Առաջին լրատվականը» փաստաբան Մելանյա Առուստամյանից տեղեկացավ, որ Եվրոպական դատարանը սկսել է կոմունիկիացիայի պրոցեսը` Հայ ազգային կոնգրեսի ներկայացուցիչ, նախկին քաղբանտարկյալ Մյասնիկ Մալխասյանի գործով: Իշխանությունները պետք է պատասխաններ ներկայացնեն Եվրոպական դատարանին, որից հետո դիմող կողմին վեցշաբաթյա ժամկետ կտրվի, որպեսզի ներկայացվեն գրավոր առարկությունները:
Այսպիսով` Մյասնիկ Մալխասյանի գործով Եվրոպական դատարանը կառավարությանը առաջարկել է` տրամադրել դիմումատուի նկատմամբ Քրեական օրենսգրքի 38-րդ և 316-ñ¹ հովածի 3-ñ¹ մասով 2008թ. օգոստոսին մեղադրանքի առաջադրման որոշման պատճենը, ինչպես նաև դատաքննության ժամանակ դատախազի կողմից մեղադրանքից հրաժարվելու մասին որոշման պատճենը:
Եվրադատարանը հարց է ուղղել ՀՀ իշխանություններին` արդյոք ներպետական ատյանները տրամադրել են «համապատասխան» և «բավարար» հիմքեր դիմումատուին կալանավորելու համար Կոնվենցիայի 5.3 հոդվածի մասով: Հաջորդը` արդյոք դիմումատուին գրավով ազատելու միջնոդությունը մերժելու մասին որոշումը մեղադրանքի ծանրության պատճառով համապատասխանում է Կոնվենցիայի 5.3 հոդվածի պահանջներին:
Եվ վերջին կետով, Եվրադատարանը հարց է ուղղում. «Արդյո՞ք Վերաքննիչ դատարանում քննությունը անց է կացվել մրցակցային սկզբունքով, այն ժամանակ, երբ Վերաքննիչ դատարանը քննում էր դիմումատուի բերած վերաքննիչ բողոքը ընդդեմ Կենտրոն և Նորք-Մարաշ վարչական շրջանների դատարանի` 2008թ. մարտի 5-ի որոշման` ըստ Կոնվենցիայի 5.4 հոդվածի: Արդյոք Վերաքննիչ դատարանը իր 2008թ մարտի 21-ի որոշումը կայացնելիս հիմնվել է «կոնկրետ ապացույց»-ի վրա և արդյոք դիմումատուին հասանելի է եղել այդ ապացույցը»:
«Առաջին լրատվականի» հարցին, թե այս գործընթացը ինչի մասին է վկայում, Մ.Առուստամյանը պատասխանեց. «Եվրոպական դատարանը գտել է, որ մեր դիմումը համապատասխանում է պահանջներին, որ դիմումում կան հանգամանքներ, որոնք համենայնդեպս, եթե պարզվի, որ համապատասխանում են իրականությանը, նշանակում է, որ խախտում է տեղի ունեցել, և, որ Եվրոպական դատարանը ընդունել է դրանք: Նրանց հարցադրումներից` հետո Եվրոպական դատարանը պետք է դիտարկի գործը մեր ներկայացրած գանգատի ներքո»:
Մ.Առուստամյանը նշեց նաև, որ այսօր հնարավորություն կան, որպեսզի Եվրոպական դատարանի կողմից արձանագրվեն կոնվենցիայի տեղի ունեցած տարբեր խախտումները:
Ի դեպ, տեղեկացնենք, որ Եվրոպական դատարանի պաշտոնական կայքից տեղեկանում ենք, որ նմանատիպ գործընթացներ են սկսվել նաև Պիցա դի Ռոմայի աշխատակցուհի Անուշ Ղավալյանի, քաղբանտարկյալներ Մուշեղ Սաղաթելյանի, Ասլան Ավետիսյանի գործերով:
