Էրեբունի բժշկական կենտրոնի գաստրոէնտերոլոգ Հայկ Մանասյանը «Առաջին լրատվական»-ի «Ցավազրկող» հաղորդաշարի հերթական թողարկմանը ներկայացնում է լյարդի դերն ու կատարած ֆունկցիաները օրգանիզմում և լյարդի տարածված հիվանդություններից:
Ինչպես ասել է փիլիսոփա, բժիշկ գիտնական Ավիցենան, եթե սխալվես լյարդի բուժման հարցում, սխալդ կփոխանցվի անոթներիդ, ապա ամբողջ մարմնիդ: Լյարդը մարդու օրգանիզմի մարսողական համակարգի ամենամեծ գեղձն է, մեկուկես կգ քաշով, գտնվում է որովայնի խոռոչի վերին մասում: Լյարդի դերը ու կատարած ֆունկցիաները շատ կարևոր են օրգանիզմի համար և կարևոր: Պատահական չէ, որ մինչև 16-րդ դարը լյարդը համարվել է մարդու օրգանիզմի կարևորագույն օրգան: Վերջինիս վերագրվել են միստիկ ու առեղծվածային մի շարք հատկություններ: Ամբողջությամբ վերցրած՝ լյարդը մարդու օրգանիզմում կատարում է 500 ֆունկցիա: Մասնակցում է կենսականորեն կարևոր նշանակություն ունեցող գործընթացներին, ինչպիսիք են նյութափոխանակությունը, մակարդող գործոնների սինթեզումը, սպիտակուցների, ածխաջրերի, ճարպերի, վիտամինների, հորմոնների փոխանակությունը: Լյարդում կուտակվում, պահեստավորվում են սննդարար նյութերը, վիտամինները: Լյարդում արտադրվում է ճարպերի յուրացմանը նպաստող լեղի: Օրգանիզմում վնասակար նյութերի, օրինակ, ալերգենների, տոքսենների ու թունավոր այլ նյութերի չեզոքացման համար պատասխանատու է լյարդը: Այս գործողությունները լիարժեք չեն կատարվում, երբ օրգանի համակարգը ախտահարված է:
Մանրամասները՝ տեսանյութում
