Մարտի 13-ին՝ ժամը 23.45-ին, Աբովյան քաղաքի հիվանդանոցից ոստիկանության Կոտայքի բաժին ահազանգել են, որ վրաերթի հետևանքով իրենց մոտ է տեղափոխվել Աբովյան քաղաքի բնակիչ, 1969 թ. ծնված Ալվարդ Սարգսի Միրզոյանը:
Ինչպես հայտնում է ֆոտոլրագրող Գագիկ Շամշյանը, պարզվել է, որ Կոտայքի մարզի Գեղաշեն գյուղի բնակիչ, 1979 թ. ծնված Կարեն Քաջիկի Ավագյանը, որը աշխատում է Կոտայքի մարզի Գեղաշեն գյուղի «Արմեն-Համիկ եղբայրներ» համատեղ ձեռնարկություն ՍՊԸ-ում, ժամը 23.00-ի սահմաններում, վարելով «Ինֆինիտի ջիպ» մակնիշի, 101 ՈՕ 11 համարանիշի ավտոմեքենան, Աբովյան քաղաքի Հանրապետության 16 շենքի դիմաց վրաերթի է ենթարկել Ա.Միրզոյանին և իր մեքենայով տեղափոխել հիվանդանոց:
Ոստիկանության Կոտայքի քննչական բաժնում նյութեր են նախապատրաստվում:
