Մարտի 14-ին՝ ժամը 01.40-ի սահմաններում, Դավիթ Բեկի փողոցում տեղի է ունցել ավտովթար։ Ինչպես հայտնում է ֆոտլրագրող Գագիկ Շամշյանը, նշված փողոցի թիվ 275 էլեկտրասյան դիմաց միմյանց են բախվել Կոտայքի մարզի Ձորաղբյուր գյուղի բնակիչ, 1963 թ. ծնված Աշոտ Սերոժայի Խաչատրյանի վարած ՎԱԶ 21120-110 մակնիշի, 30 ՕՍ 008 համարանիշի և Նոր-Նորքի 5-րդ զանգվածի բնակիչ, 1980 թ. ծնված Էդուրադ Սամվելի Գրիգորյանի վարած ՎԱԶ 21214 մակնիշի 007 ՕՍ 64 համարանիշի ավտամեքենաները։
Վթարի հետևանքով ՎԱԶ 21120-ի վարորդ Ա. Խաչատրյանը և ուղևոր, 1983 թ. ծնված Արտակ Ռուբենի Աբրահամյանը տեղում մահացել են։
Վերջինիս ուղևոր, 1976 թ. ծնված Արմեն Գեղամի Գեղամյանը և ՎԱԶ 21214-ի ուղևորներ, 1976 թ. ծնված Թագուհի Մովսեսի Գրիգորյանը և 1976 թ. ծնված Անահիտ Մովսեսի Գրիգորյանը մարմնական վնասվածքներով տեղափոխվել են Էրեբունի բժշկական կենտրոն, իսկ վարորդ Էդուարդ Գրիգորյանը՝ Սուրբ Գրիգոր Լուսավորիչ բժշկական կենտրոն։
Դեպքի վայր էին ժամանել Երևանի ճանապարհային ոստիկանության աշխատակիցները՝ Երևանի ՃՈ պետ Արսեն Արշակյանի գլխավորությամբ։ Մահացածների դին ավտոմեքենայից դուրս հանելու համար դեպքի վայր էին ժամանել Հայաստանի արտակարգ իրավիճակների նախարարության, Հայաստանի փրկարար ծառայության հատուկ ջոկատի փրկարարները, ովքեր հատուկ տեխնիկայի միջոցով կարողացան դուրս հանել մահացածների դին։
Դեպքի վայրի քննչական աշխատանքները ղեկավարում էր ոստիկանության քննչական գլխավոր վարչության Երևանի քննչական վարչության ճանապարհատրանսպորտային հանցագործությունների քննության բաժնի ավագ քննիչ Արտաշես Վանյանը։ Քննիչի հանձնարարականով, ավտոմեքենաները տեղափոխվեցին ՃՈ տուգանային հրապարակ։
ՃՏՀ քննության բաժնում նյութեր են նախապատրաստվում։