Զենքի շուկայում ամենախոշոր ներմուծող երկիրը Հնդկաստանն է: Այս մասին հաղորդում է France Presse գործակալությունը` նշելով, որ Աշխարհի հիմնախնդիրների ուսումնասիրության Ստոկհոլմի միջազգային ինստիտուտի կողմից անցկացված հետազոտություններն ընդգրկում են 2006-2010 թթ.:
Ըստ այդ ինստիտուտի` Հնդկաստանին բաժին է հասնում զենքի ներմուծման շուկայի մոտ 9%-ը, ինչը 21%-ով ավելի բարձր է նախորդ հնգամյակի հետ համեմատած: Հնդկաստանի հիմնական գործընկերն այս հարցում Ռուսաստանն է: Այդ երկրից ներմուծվում է հնդակական զենքի մոտ 82%-ը: Հիմնականում գնվում է ավիատեխնիկա` բոլոր ներմուծումների մոտ 71%-ը:
Զենք ներմուծող մյուս խոշոր երկրներն են Չինաստանն ու Հարավային Կորեան, որոնց բաժին է ընկնում այդ շուկայի մոտ 6-ական տոկոսը: Պակիստանը նախորդ հնգամյակի համեմատ զենքի ներմուծումն ավելացրել է 128%-ով` այս ցուցակում գրավելով երրորդ հորիզոնականը:
Զենքի ամենախոշոր արտահանողը շարունակում է մնալ Միացյալ Նահանգները, որին բաժին է հասնում զենքի առաքումների մոտ 30%-ը: