Արսեն Վենգերի անհաջողությունները շարունակվում են: Դեռ երկու շաբաթ առաջ ֆրանսիացի մասնագետը ցանկություն էր հայտնել հաղթել բոլոր այն մրցաշարերում, որոնցում «Արսենալ»-ը մասնակցում էր և բոլոր հնարավորություններն ուներ, սակայն…
Ամեն ինչ սկսվեց Անգլիայի լիգայի գավաթի խաղարկության եզրափակիչից, որում Վենգերի թիմը ցավալի պարտություն կրեց համեստ «Բիրմինգհեմ»-ից: Այնուհետև Չեմպիոնների լիգայի քառորդ եզրափակիչում ոչինչ չկարողացավ անել աշխարհի ուժեղագույն ակումբի` «Բարսելոնա»-ի դեմ և երեկ Անգլիայի գավաթի քառորդ եզրափակիչում կրկին ցավալի պարտություն կրեց «Մանչեսթեր Յունայթեդ»-ից: Ցավալի` որոհետև առաջին հերթին Ֆերգյուսոնը էքսպերիմենտալ կազմ էր խաղադաշտ դուրս բերել, իսկ երկրորդ հերթին «Արսենալ»-ի բախտն իսկապես չէր բերում: Ավելորդ չէ նշել նաև Վան դեր Սարի հրաշալի խաղը, ով բազմիցս փրկեց իր թիմին: Ինչևէ, «Յունայթեդ»-ը հաղթեց 2:0 հաշվով և կիսաեզրափակիչում կհանդիպի մանչեսթերյան մյուս ակումբի` «Սիթի»-ի հետ:
Մանչինիի սաներն իրենց հերթին 1:0 հաշվով պարտության մատնեցին «Րեդինգ»-ին: Մյուս կիսաեզրափակիչում ուժերը կչափեն «Բոլթոն»-ն ու «Սթոուք»-ը, որոնք պարտության մատնեցին համապատասխանաբար «Բիրմինգհեմ»-ին (2:3) և «Վեսթ Հեմ»-ին (2:1):