Ազգային վիճակագրական ծառայությունը երեկ հրապարակել է ԱՊՀ երկրների ու Հայաստանի մի շարք հիմնական մակրոտնտեսական ցուցանիշներ, որոնցից երևում է, որ Հայաստանը միջինից ցածր դիրքեր է զբաղեցնում:
Այսպես, անցած տարվա (2013-ի) տնտեսական աճի ցուցանիշով Հայաստանից առաջ են Թուրքմենստանը (10.2%), Մոլդովան (8.9%), Ուզբեկստանը (8%), Տաջիկստանը (7.4%), Ղազախստանը (6%) և Ադրբեջանը (5.8%): Հայաստանի տնտեսական աճը 2013-ին կազմել է 3.5%: Հայաստանից հետ են Ռուսաստանը (1.3%), Բելառուսը (0.9%), Ղրղզստանը (0.5%) և Ուկրաինան (0%): Այսինքն՝ ԱՊՀ 11 երկրների մեջ ՀՆԱ աճի ցուցանիշով Հայաստանը 7-րդ տեղում է եղել 2013-ին (Գծագիր 1):
Գծագիր 1. ԱՊՀ 11 երկրներիտնտեսականաճիցուցանիշները 2013թ.
Վատ վիճակում է մեր արդյունաբերությունը: Այստարվա (2014-ի) հունվար-փետրվարին այն անկումէ ապրել 4.1%-ով: ԱՊՀ ևս 8 երկրի տվյալներ բերված են Գծագիր 2-ում (երկու երկրի տվյալներ դեռ ամփոփված չեն): Գծագրից երևում է, որ Հայաստանից վատ ցուցանիշ ունեցել են ընդամենը 2 ԱՊՀ պետություն՝ Ուկրաինան և Բելառուսը, իսկ 6 երկիր ունեցել են Հայաստանից լավ տվյալներ:
Մոտավորապես նույն պատկերն է նաև գնաճի պարագայում: 2013թ. դեկտեմբերին 2012-ի դեկտեմբերի համեմատ գնաճը Հայաստանում 5.6% է եղել, այն դեպքում, երբ Մոլդովայում այն կազմելէ 5.2%, Ղազախստանում՝ 4.8%, Ղրղզստանում՝ 4%, Տաջիկստանում 3.7%, Ուկրաինայում 0.5% ևայլն (Գծագիր 3):
Գծագիր 2. Արդյունաբերական արտադրանքի ծավալի ինդեքսը 2013-ին ԱՊՀ 9 երկրներում
Գծագիր 3. Սպառողական գների ինդեքսը 2013թ դեկտեմբերին 2012-ի դեկտեմբերի համեմատ
Այսպիսով՝ ԱՊՀ երկրների համեմատ ևս Հայաստանի հիմնական մակրոտնտեսական ցուցանիշները վատերի թվում են, ինչը խոսում է երկրի անարդյունավետ տնտեսական քաղաքականության, ոչ թե արտաքին գործոնների նշանակալի բացասական ազդեցության մասին:
