Շիրակի մարզը լավ արոտավայրեր ունի և կարող է ոչխարաբուծության հարցում բարձր արդյունք գրանցել: Մարզում ոչխարաբուծությամբ հիմնականում զբաղվում են Ամասիայի, Աշոցքի և Անիի տարածաշրջաններում:
Միայն թե, ըստ պատասխանատուների, անասնապահության այդ ճյուղի զարգացման համար լուրջ խթան է անհրաժեշտ: Շիրակի մարզպետարանի գյուղվարչության անցկացրած մոնիտորինգի արդյունքներով, մարզում ներկա պահին առկա 70 հազար գլուխ ոչխարի թվաքանակն հնարավոր է ավելացնել մեկուկես անգամ:
«100,000 գլուխ ոչխար պահելու հնարավորություն ունի շիրակցին: Ով կարողանա ոչխար պահել ու բուծել, պատասխանաուները նրան կաջակցեն իրացման խնդիրները կարգավորելու հարցում»,- ասում է Շիրակի մարզպետարանի գյուղվարչության պետ Մովսես Մանուկյանը:
Վերջինիս հավաստմամբ, գյուղացիներին նաև կօգնեն իրացման հարցում՝ ոչխարներին վաճառել ինչպես Հայաստանում, այնպես էլ արտերկրում:
Ոչխարաբուծության զարգացման հիմնական նպատակներից մեկն էլ բրդի արտադրությունն է: Այս առումով ևս ոչխարաբույծները մտահոգություն ունեն: Պատասխանատուներ էլ վստահեցնում են, որ բրդի իրացման հարցերներն էլ են լուծված:
«Մեր ոչխարի բուրդը, Հայաստանից բացի, իրացվելու է նաև Վրաստանում»,-ասում է գյուղվարչության պետը: