Այսօր Եվրամիությունը հրապարակել է ցուցակ, համաձայն որի՝ 15 ռուսների դեմ պատժամիջոցներ են սահմանվել Եվրամիության անդամ երկրներ մուտք գործելու արգելքի և ակտիվների սառեցման տեսքով, հայտնում է BBC-ի ռուսական ծառայությունը:
Ցուցակում հայտնվել են Ռուսաստանի փոխվարչապետ Դմիտրի Կոզակը, Ղրիմում ՌԴ նախագահի հատուկ ներկայացուցիչ Օլեգ Բելավևնցևը, Պետդումայի փոխխոսնակ Լյուդմիլա Շվեցովան, ՌԴ գլխավոր շտաբի ղեկավար Վալերի Գերասիմովն ու ՌԴ գլխավոր հետախուզության տնօրեն Իգոր Սերգունը:
Այսպիսով, ԵՄ-ի սև ցուցակում հայտնված մարդկանց ընդհանուր թիվը հասել է 48-ի:
Ռուսաստանի նկատմամբ նոր պատժամիջոցներ են սահմանել Կանադան, Ճապոնիան ու ԱՄՆ-ը: