Friday, 29 03 2024
Քարաթափում Լանջազատ գյուղի մոտակայքում
Սյունիքի միջանցքի հարցը չլուծվեց՝ անցան Տավուշ. ռուս-ադրբեջանական նոր խաղեր
Թթուջուր-Նավուր ավտոճանապարհը փակ է
Եվլախը իր ճակատին դաջած անձը գուցե հրահանգ ունի ազգամիջյան բախումներ հրահրելու
Տեղումներ չեն սպասվում
Կա ահաբեկչության վտանգ․ ՌԴ հատուկ ծառայությունները հիբրիդային պատերազմ են մղում Հայաստանի դեմ
Ոսկեպարցիներն անհամբեր սպասում են. «Հրապարակ»
Գյումրիում Նիկոլ Փաշինյանին շատ «ջերմ» ընդունելություն են ցույց տվել. «Ժողովուրդ»
Իշխան Սաղաթելյանի հոր նկատմամբ դատախազությունը հարուցել է քրեական հետապնդում. «Հրապարակ»
Դիանա Գալոյանը նոր պաշտոն կստանա՞. «Հրապարակ»
08:30
Live. «Առաջին լրատվական» տեղեկատվական-վերլուծական կենտրոն
Նոր դիվանագիտական սկանդալ է հասունանում արտգործնախարարությունում. «Ժողովուրդ»
Նիկոլ Փաշինյանը ոչինչ չի խնայում իր անձնական պաշտպանությունն անխոցելի դարձնելու համար. «Հրապարակ»
Բաղմանյանի մեղավորությունը չի հաստատվում, նրա դեմ ցուցմունք տվողը մեկ միլիոն դոլար պարտք է բանկին. «Ժողովուրդ»
Ովքե՞ր են ընդգրկված լինելու Հայկ Մարությանի նոր կուսակցությունում. «Ժողովուրդ»
Էրդողանի կասկածները եւ խաղաղությունն ու պատերազմը Կովկասում
Սուրեն Պապիկյանը ծանոթացել է նաև ՀՀ ռազմարդյունաբերության նորագույն նմուշներին
Հանրակրթության նոր չափորոշիչի ներդրմանը զուգահեռ դասարաններում կկրճատվի աշակերտների թիվը. Անդրեասյան
ՔՊ նիստում քննարկվել են եվրոպական կուսակցական միությունների գաղափարախոսությունները
«Դժվարին որոշում եմ կայացրել` չհավակնել Բարձրագույն դատական խորհրդի դատավոր անդամի թափուր տեղին». Վազգեն Ռշտունի
«Ռուսաստանը հաջողության է հասնում այնտեղ, որտեղ դրա կարիքն ունի»․ Պուտին
Հրազդանում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Վլադիմիր Վարդանյանը կմասնակցի Մարդու իրավունքերի եվրոպական դատարանի դատավորների ընտրության հանձնաժողովի նիստին
Ծեծի է ենթարկել իր անչափահաս դստերը և փորձել սեռական հարաբերություն ունենալ նրա հետ
Այն, ինչ կներվի Բաքվին, չի ներվի Երևանին. Կրեմլը բաց է խաղում
ԵՄ ներկայությունը Բաքվին հանգիստ չի տալիս
Ադրբեջանը «կլրջացնի՞» ՀԱՊԿ-ի հետ ընկերությունը
Ազատագրվել ռուսական կախվածությունից. եվրաինտեգրման առաջնահերթությունները
Դիմակներն այլևս հանված են. Մոսկվան հանձնում է իր ամենաարժեքավոր ագենտին
Տղամարդը դանակահարել է նախկին կնոջն ու նրա քրոջը

«Դրօշակ»-ի խմբագրական

1921թ. փետրուարեան համաժողովրդական յեղափոխութեան 90 ամեակը Հայաստանում նշուեց քաղաքական զարգացումների չափազանց ուշագրաւ մթնոլորտում:

Իշխանական կոալիցիայի թեւերի կողմից Փետրուարի 17ի յայտարարութիւնը, փաստօրէն, միտում ունի քաղաքական դաշտում ամբողջատիրութեան հաստատման. «Կոալիցիոն կուսակցութիւնները միասնական են եւ նպատակ չունեն գալիք խորհրդարանական ընտրութիւններում իրենց քաղաքական կշիռն աւելացնել միմեանց դէմ պայքար ծաւալելու եւ կոալիցիայի ներսում ուժերի յարաբերակցութիւնը փոխելու հաշուին»: Նրանք ձգտում են «խորհրդարանական ընտրութիւնների արդիւնքում Հայաստանի Հանրապետութեան Ազգային ժողովում կոալիցիայի ներկայացուածութեան աճին»: Աւելին, նրանք, քաղաքական էթիկայի ու ժողովրդավարական տարրական սկզբունքների կոպիտ ոտնահարմամբ, կանխաւ ընդգծեցին նաեւ, որ «քաղաքական կոալիցիան նախագահական ընտրութիւններում հանդէս կը գայ միասնական թեկնածուով՝ ի դէմս գործող Նախագահի, դրանով իսկ երաշխիքներ ստեղծելով ապահովելու փոփոխութիւնների յետագայ շարունակականութիւնն ու մեր երկրի կայուն առաջընթացը յաջորդող հինգ տարիների ընթացքում»:

Ծայրայեղական ընդդիմութիւնը, յանձին իր ղեկավար Լ.Տ.Պ.ի, Փետրուարի 18ի քաղաքական հանրահաւաքում, նոյնիսկ չյիշելով կոալիցիայի նշուած յայտարարութիւնը, միանգամից կրկնեց իր առաջարկած քաղաքական վաղեմի լուծումը. «Անցանկալի զարգացումներից խուսափելու միակ միջոցն արտահերթ նախագահական եւ խորհրդարանական ընտրութիւններն են, որոնք արդէն, քաղաքական անհրաժեշտութիւնից առաւել, վերածուել են ազգի ու պետութեան գոյութեան խնդրի»:

Այսպիսով՝
ա. իշխանական կոալիցիան ամէն ինչի պատրաստ է (բնականաբար՝ նաեւ լայնամասշտաբ ընտրախախտումների) առաջիկայ ընտրութիւններում բացարձակ մեծամասնութիւն ապահովելու համար:
բ. ծայրայեղական ընդդիմութիւնն էլ ընդունակ է ամէն ինչի (ընդհուպ մինչեւ «սոցիալական բունտ» կոչուածի «գէշ խասեաթ»ը ակնարկելով ու շանտաժի միջոց դարձնելով) կոալիցիայի նշուած մտադրութիւնը տապալելու համար:
Ո՞րն է քաղաքական այս երկու մօտեցումների տրամաբանական սինթեզի (համարկման-Խմբ.) գլխաւոր առանցքը. ե՛ւ իշխանական կոալիցիան, ե՛ւ ծայրայեղական ընդդիմութիւնը ձգտում են, «սեւ ու սպիտակ» երանգաւորմամբ, ձեւաւորել քաղաքական առաջիկայ բեմահարթակը:

Այլընտրանքային ուժի առկայութիւնը անհանգստացնում է հայաստանեան 20ամեայ քաղաքական էլիտային (վերնախաւին-Խմբ.): «Սեւ ու սպիտակ» երանգաւորումը, անհրաժեշտաբար, ենթադրում է առճակատման ռէալ դրսեւորումներ՝ փողոցներից մինչեւ եւրոամբիոններ: Այս իմաստով, ինչպէս մարդկային ու նիւթական ռեսուրսներով (միջոցներով-Խմբ.), այնպէս էլ բազմաբնոյթ լրատուացանցերով, լաւապէս սպառազինուած են երկուսն էլ:

Այլ խօսքերով՝ առաջիկայում ե՛ւ կոալիցիոն իշխանութիւնները, ե՛ւ ծայրայեղական ընդդիմութիւնը, «նա, ով մեզ հետ չէ, մեր թշնամին է» քաղաքական վարքագծի փոխարէն, որդեգրելու են «նա, ով մեզանից մէկն ու մէկի հետ չէ՝ ընդհանրապէս գոյութիւն չունի» վարքագիծը:

Այս ամէնը կատարւում է Հայաստանում սոցիալական շարժումը կանխելու նպատակով: Մենք ասել էինք եւ կրկնում ենք, որ սոցիալական շարժումն է վերջ դնելու 20ամեայ էլիտայի տիրապետութեանը, որը դրսեւորուել եւ դրսեւորւում է նոր ազատականութեամբ եւ նոր պահպանողականութեամբ:

Սոցիալական շարժման թերեւս նախնական արտայայտութիւններից պէտք է համարել ՀՅ Դաշնակցութեան նախաձեռնութեամբ Փետրուարի 18ին մեկնարկած «Ընտրական իրաւունքի պաշտպանութեան հասարակական շարժում»ը, «Քուէն ուժ է» կարգախօսով, որին, ակնկալւում է, աստիճանաբար, կը միանան աւելի մեծ թուով քաղաքական կուսակցութիւններ եւ հասարակական կազմակերպութիւններ: Սոյն շարժումը, որն, ըստ էութեան, սոցիալական մեծ շարժման իրաւական եւ քաղաքացիական բաղադրիչն է կազմում, նախ նպատակադրում է ստեղծել իշխանափոխութեան հնարաւորութիւնն ապահովող ընտրական համակարգ:
Շարժումը ընտրական իրաւունքի եւ քուէի պաշտպանութեան գաղափարի շուրջ ժողովրդի ինքնակազմակերպման ձգտում է: Շարժման թիրախը տարիների ընթացքում հասարակական գիտակցութեան մէջ ընտրութիւնների արդիւնքների կանխորոշուածութեան կարծրատիպն է, որի արդիւնքում քաղաքացիները, եւ առհասարակ մեր ազգը, կորցնում է իր հաւատը ժողովրդավարութեան կարելիութիւնների հանդէպ:

Գաղափարախօսական միեւնոյն ակունքներից ըմպած լինելով, ե՛ւ իշխանութիւնները, ե՛ւ ծայրայեղ ընդդիմութիւնը չեն հաւատում, որ սոցիալական շարժումները կարող են ընթանալ էւոլուցիոն «եղաշրջման-Խմբ.) զարգացման, խաղաղ, ոչ բռնի եղանակով եւ արդիւնաւորուել ժողովրդավարական քուէարկութեամբ: Նրանք սոցիալական շարժում հասկացութիւնը, բառացիօրէն, ասոցիացնում (զուգակցիլ-Խմբ.) են սոցիալական բունտ (ընկերային ապստամբութիւն-Խմբ.) հասկացութեան հետ եւ ստեղծում հասարակական կարծիքի շփոթ, ըստ որի սոցիալական շարժումը ազգային անվտանգութիւնը խաթարող սոսկական ապստամբութիւն է:

Զաւեշտալին այն է, որ իշխանութիւնների քաղաքական գլխաւոր ուժը, իր նոր պահպանողականութեամբ, ինքն իրեն յայտարարում է «սոցիալական արդարութեան ջատագով», իսկ ծայրայեղ ընդդիմութիւնը, իր նոր ազատականութեամբ, հռչակում է սոցիալական արդարացի պահանջներին «կազմակերպական աջակցութիւն ցուցաբերել»ու իր պատրաստակամութիւնը:

Պէտք է վերջ դնել ծաղրանկարային այս խեղկատակութեանը:
Պէտք է սոցիալական բողոքն ու շարժումը օժտել սոցիալական համապատասխան գաղափարախօսութեամբ:

Պէտք է սոցիալական շարժումը դարձնել առաջիկայ ընտրութիւնների գլխաւոր առանցքը:

Այլապէս կանգնելու ենք, ծանօթ յանկերգերով ողողուած, «սեւ ու սպիտակ» քաղաքական բեմահարթակի առջեւ, որտեղ միշտ էլ յաղթում է «չարեաց փոքրագոյնը»:

Սկսել ենք, քաղաքացիական եւ իրաւական բնոյթով, հասարակական շարժում եւ, տարածուելով, պիտի շարունակենք:

Բաժիններ
Ուղիղ
Լրահոս
Որոնում