ԱՄՆ պետքարտուղար Հիլարի Քլինթոնը երեկ հայտարարել է, որ Միացյալ Նահանգները խորը մտահոգություն ունի Լիբիայում քիմիական զենքի և այլ տեսակի «այլանդակ սարքավորումների» առկայությամբ: Սակայն նա չի առաջարկել նոր պատժամիջոցներ կիրառել հյուսիսաֆրիկյան այդ երկրի նկատմամբ: Քլինթոնը նաև ապացույցներ չի ներկայացրել, որոնք կհաստատեին իր մտահոգության իրավացիությունը:
Հիշեցնենք, որ արդեն մի քանի օր է` Արևմուտքն ակտիվ քննարկումներ է սկսել Լիբիայում համաշխարհային հանրության հետագա գործողությունների վերաբերյալ: Քադաֆիի հետ հարաբերությունների դադարեցման և Բենղազիի ընդդիմադիր կառավարությունը ճանաչելու մասին հայտնել են շատ երկրներ, այդ թվում` Ֆրանսիան և Մեծ Բրիտանիան: