Գնահատելով 2011թ. բյուջեն` նախկին վարչապետ Հրանտ Բագրատյանը նշեց, որ 2008թ. բյուջեն եղել է 746 միլիարդ` դրա եկամուտները, 2009թ. բյուջեն` 960 միլիարդ դրամ, 2010թ. բյուջեն ընդունել են 770, 2011թ.` 850 միլիարդ: Գումարային ինֆլյացիան կազմում է 26 տոկոս: Այսինքն` 2008թ. համեմատ` 13 տոկոս բյուջեն է ավելացել, 26 տոկոս` գները: 13-ը հանում ենք, մնաց 13 տոկոս: «Էս 2011թ. բյուջեն, ժողովուրդ, 2008թ. բյուջեից 13 տոկոս պակաս է: Թող այսօր վարչապետն ասի, որ ես սխալ եմ ասում, եւ ես հրապարակայնորեն ներողություն կխնդրեմ»,- նշեց Հրանտ Բագարատյանը եւ ավելացրեց, որ 2008-2011թթ. Սերժ Սարգսյանի կառավարման տարիներն էին, ինչը նշանակում է, որ նրա կառավարման տարիներին բյուջեն պակասել է 13 տոկոսով: «Այսինքն` էս 5 տարին մուֆթա անցել ա»,- գնահատեց նախկին վարչապետը:
