Օրերս իսպանական հեղինակավոր «Դոն Բալոն» պարբերականը հրատարակել է երիտասարդ ֆուտբոլիստների բավական երկար մի ցուցակ, որոնք մոտ ապագայում, իր կարծիքով, պետք է դառնան աշխարհի լավագույն ֆուտբոլիստները: Այդ ցուցակում են հայտնվել «Ռենն»-ի ֆրանսիացի կենտրոնական պաշտպան Յանն Մվիլան, Մոսկվայի «ԲԿՄԱ»-ի չեխ հարձակվող Թոմաշ Նեցիդը, «Սանթոս»-ի բրազիլացի հարձակվող Նեյմար Դա Սիլվան, «Պանատինայկոս»-ի հույն պաշտպան Սոթիրիս Նինիսը, «Մոնակո»-ի կամերունցի պաշտպան Նիկոլյա Նկուլուն, «Պալերմո»-ի արգենտինացի կիսապաշտպան Խավիեր Պաստոռեն,«Միլան»-ի բրազիլացի հարձակվող Ալեշադրե Պատոն, «Ալմերիա»-ի արգենտինացի կիսապաշտպան Պաբլո Պյատտին, Լիոնի «Օլիմպիկ»-ի բոսնիացի կիսապաշտպան Միրալեմ Պյանիչը, «Ման. Յունայթեդ»-ի բրազիլացի պաշտպան Ռաֆայել Դա Սիլվան: Ցուցակում տեղ են գտել նաեւ Դոնեցկի «Շախտյոր»-ի պաշտպան Յարոսլավ Ռակիցկին, «Կրուզեյրո»-ի բրազիլացի պաշտպան Դիեգո Ռենանը, Մյունխենի «Բորուսիա»-ի կիսապաշտպան Մարկո Ռոյսը, «Սենտ-Էտյեն»-ի ֆրանսիացի հարձակվող Էմանուել Ռիվերը, «Էվերթոն»-ի անգլիացի կիսապաշտպան Ջեկ Ռոդուելը, «Մալագա»ի վենեսուելացի հարձակվող Խոսե Սալոմոն Ռանդոնը, «Էսպանյոլ»-ի իսպանացի պաշտպան Վիկտոր Ռուիսը, «ՊՍԺ»-ի ֆրանսիացի պաշտպան Մամադուն Սաքոն, «Վոլերանգա»-ի նորվեգացի կիսապաշտպան Հաթիմ Սինգխը եւ «Ինտեր»-ի իտալացի պաշտպան Դավիդե Սանտոնը: Բայց ամենաշատը ուշադրության կենտրոնում էր հենց Դավիդե Սանտոնը, իտալացիները նրան համեմատում են լեգենդար Պաուլո Մալդինիի հետ, որը շատ վստահ էր գործում պաշտպանությունում: Հիշեցնենք, որ նշված ֆուտբոլիստների տարիքը չի գերազանցում 22 տարեկանը: