Վրացական apsny.ge լրատվական գործակալությունը հաղորդում է, որ Վրաստանում խոզագրիպից մահացել է ևս երկու մարդ: Հիվանդությունների վերահսկման կենտրոնի հավաստմամբ` երկու դեպքում էլ մահվան պատճառ է հանդիսացել H1N1 վարակը:
Վիճակագրական վերջին տվյալները վկայում են, որ այս սեզոնում գրանցվել է գրիպով հիվանդանալու 900 դեպք, հիվանդներից շուրջ 600-ը վարակված են եղել H1N1 վիրուսով, իսկ գրիպից մահացած 38 անձանցից 28-ի մահվան պատճառ է դարձել H1N1 վարակը:
Հիշեցնենք, որ H1N1 վարակն ստեղծվել է 1931 թվականին ամերիկացի գիտնական Ռիչարդ Շոուպի կողմից: Այն կարող է վարակել թե՛ մարդկանց, թե՛ շատ կենդանիների: Երբ 2009 թվականի ամռանն սկսվեց H1N1-ի համաճարակը, այն հայտնի դարձավ «խոզագրիպ» անվամբ:
