Իսպանիայում պոռնկությունն արգելված չէ, սակայն օրենսդրորեն նրանք պաշտպանված չեն եւ չունեն նույն իրավունքները, ինչ այլ մասնագիտությունների տեր մարդիկ: «Հետերա» հասարակական կազմակերպությունն աշխատում է այս ուղղությամբ` ցանկանալով պոռնիկների համար ապահովել նույն սոցիալական ծրագրերը, ինչ որ մյուս մասնագիտությունների համար` սոցիալական ապահովություն, աշխատանքի կոլետիվ պայմանագիր, արհեստակցական կազմակերպություններ եւ այլն: Տարբեր հաշվարկներով, նրանց թիվը հասնում է 300,000-ի, իսկ ուսումնասիրություններն էլ ցույց են տվել, որ իսպանացի տղամարդկանց մոտ 32%-ն այս կամ այն ժամանակ օգտվել է պոռնիկների ծառայություններից:
Վերջերս էլ Կատալոնիայի իշխանությունները պարտադրել են պոռնիկներին կրել նույնպիսի լուսավորվող համազգեստ, ինչպիսին կրում են ճանապարհային բանվորները, քանի որ շատ են դեպքերը, երբ ճանապարհին կանգնած պոռնիկներին վարորդներն ուղղակի չեն նկատել մութ ժամանակ եւ վրաերթի են ենթարկել:
