Երեկ կայացան Եվրոպայի լիգայի խաղարկության 1/8-րդ եզրափակիչի առաջին հանդիպումները: Եթե ոչ բոլոր 8 հանդիպումներում, ապա նրանցից 4-ում անսպասելի արդյունքներ գրանցվեցին:
Մոսկվայի «Սպարտակ»-ը հյուրընկալվելիս Ալեքսի խփած միակ գոլի շնորհիվ պարտության մատնեց Ամստերդամի «Այաքս»-ին: Կիևի «Դինամո»-ն Կիևում Շեվչենկոյի և Գուսևի գոլերի շնորհիվ 2:0 հաշվով առավելության հասավ մրցաշարի գլխավոր ֆավորիտ համարվող «Մանչեսթր Սիթի»-ի նկատմամբ: Սանկտ Պետերբուրգի «Զենիթ»-ը հոլանդական «Տվենտե»-ից 3 անպատասխան գնդակ ընդունեց սեփական դարպասը, դե Յոնգը դարձավ դուբլի հեղինակ, մեկ գոլ իր ակտիվում գրանցեց Լանդզաատը: Պորտուգալական «Բրագա»-ն նվազագույն հաշվով հաղթեց անգլիական «Լիվերպուլ»-ին, Ալանը 11-մետրանոցից դարձավ հանդիպման միակ գոլի հեղինակը:
Մյուս 4 հանդիպումներում գրանցվեցին հետևյալ արդյունքները` «Բայեր»-«Վիլյառեալ»` 2:3: «ԲԿՄԱ Մոսկվա»-«Պորտու»` 0:1: «Էյնդհովեն»-«Գլազգո Ռեյնջերս»` 0:0: «Բենֆիկա»-«ՊՍԺ»` 2:1:
