Թուրքական Zaman թերթն այսօր գրում է, որ Թուրքիայի վարչապետ Ռեջեփ Թայիփ Էրդողանն էլ է իր կարծիքն արտահայտել Ստամբուլի կենտրոնում տեղի ունեցած պայթյունների կապակցությամբ: Ստամբուլում տեղի ունեցած մի հանդիպումից հետո Էրդողանը լրագրողներին հայտնել է, որ այդ պայթյունները ոչ միայն Թուրքիայի, այլեւ ողջ մարդկության դեմ էին ուղղված: Էրդողանը քննադատության է ենթարկել մի շարք երկրների, որոնք աջակցում են ահաբեկչությանը: Նա նաեւ ասել է, որ կան եվրոպական երկրներ, որոնք այս հարցում աջակցում են Թուրքիային: Ավելին, նրանք ունեն ինստիտուտներ, որոնք աջակցություն են ցուցաբերում Քրդստանի աշխատավորական կուսակցությանը: Նա հայտարարել է, որ միգուցե ցավը կմոռացվի, բայց Թուրքիան չի մոռանա, որ իրեն մեն-մենակ են թողել ահաբեկչության դեմ պայքարում: