Թվային հեռուստատեսության զարգացմանը զուգահեռ մասնագետները կանխատեսում են, որ այս ոլորտում հիմնական խաղացողները կլինեն Google-ն ու Apple-ը:
Անցած շաբաթ համակարգչային սարքավորումներ արտադրող Logitech ընկերությունը Google-ի հետ համատեղ ներկայացրեց նոր ընդունիչ, որի միջոցով հնարավոր է ինտերնետը միացնել հեռուստացույցին:
Դրանից մեկ օր առաջ Apple-ը թողարկեց նոր ընդունիչ, որը հնարավորություն է տալիս հասանելի դարձնել հեռուստածրագրեր, ֆիլմեր, երաժշտություն և համացանցային կապ:
Google-ը, ի տարբերություն Apple-ի, որն ունի իր հեռուստատեսային նախագիծը, այս տարի նիայն ներկայացրեց իր ծրագրերը` կապված ինտերնետ-հեռուստատեսության հետ: Google-ում հայտարարել են, որ «սա մի արկածախնդրություն է, որով իրար են միացել հեռուստատեսությունն ու համացանցը, փնտրելու հնարավորություններն ու ընդհանուր համաշխարհային ստեղծագործ ոգին»: Ընդ որում, Google-ը պատրաստակամություն է հայտնել հեռուստացույցներ արտադրող ընկերություններին տրամադրել համապատասխան ծրագրեր` նպատակ ունենալով ավելացնելու եկամուտները:
Իր հերթին Apple-ի ղեկավար Սթիվ Ջոբսը հայտարարել է, որ Apple TV-ն հոբբի է, որը, ըստ Ջոբսի, հնարավոր չեղավ հասանելի դարձնել լայն հասարակությանը, ե չնայած որ բազմաթիվ ընդունիչներ վաճառվեցին, դրանք հիթ չդարձան: