Ռուսաստանի նախագահ Դմիտրի Մեդվեդևը ստորագրել է հրամանագիր, որով վավերացրել է 1970-ին ՄԱԿ-ի անվտանգության խորհրդի բանաձևը, հաղորդում է РБК-ն:
Հրամանագրի համաձայն` այս տարվա փետրվարի 26-ից և մինչ նոր հատուկ հրամանագիրը արգելվում է Ռուսաստանի տարածքից Լիբիա արտահանել և վաճառել սպառազինության տարբեր տեսակներ, այդ թվում զենք, զինամթերք, մարտական մեքենաներ ու ռազմական այլ տեխնիկա, ռազմական հանդերձավորում ու դրա համար հումք հանդիսացող ապրանքներ: Արգելվում է նաև ցուցաբերել Լիբիային ծառայություններ մատուցել ռազմական ոլորտին վերաբերող կրթության, տեխնիկական ու ֆինանսական աջակցություն:
Արգելանքի տակ է հայտնվել նաև այդ երկրից ապրանքներ գնելն ու ծառայություններ ստանալը, իսկ Լիբիայից ուղարկված կամ ուղարկվելիք բեռները խուզարկվում են, եթե տեղեկություններ կան ենթադրելու, որ բեռի մեջ կան պատժամիջոցների ցանկում հայտնված ապրանքներ:
