ԵԱՀԿ-ԺՀՄԻԳ կողմից ներկայացված` «Հայաստանում դատավարությունների դիտարկում» զեկույցն իր մեջ ներառում է ուսումնասիրություններ` 2008 թվականի ապրիլից մինչև 2009 թվականի հուլիս ընկած ժամանակահատվածին վերաբերող:
Զեկույցում նշված է, որ 2008 թվականի մարտի 1-2-ին Երևան քաղաքում տեղի ունեցած բռնություններին առնչվող դատավարություններում էական բացթողումներ են արձանագրվել:
Մարտի 1-ին առնչվող դատավարությունները ընթացել են սուր հասարակական լարվածության պայմաններում:
ԵԱՀԿ-ԺՀՄԻԳ-ը բացահայտել է մտահոգություն առաջացնող բազմաթիվ հարցեր` կապված մեղադրյալների և ամբաստանյալների արդար դատաքննության և անձնական ազատության իրավունքների հետ:
Այսօր ներկայացվող զեկույցում ԵԱՀԿ-ԺՀՄԻԳ-ը մի շարք առաջարկություններ է ներկայացնելու Հայաստանի իշխանություններին` լրացնելու այդ բացթողումները: