Մարոկոյի թագավոր Մուհամադ 6-րդը հայտարարել է, որ երկրում կանցկացվեն սահմանադրական բարեփոխումներ: Հեռուստատեսային ելույթում նա ասել է, որ կձևավորի հանձնաժողով, որը կքննարկի դրանց հնարավորությունը և բարեփոխումների տարբերակները, որից հետո 2011 թ. հունիսին այդ բարեփոխումները կներկայացվեն սահմանադրական հանրաքվեի:
Ըստ այդ բարեփոխումների` սպասվում է, որ մեծ լիազորություններ կտրվեն վարչապետին, որը պատասխանատու կլինի երկրում գործադիր իշխանության համար, ինչպես նաև կավելացվեն երկրի տեղական ինքնակառավարման մարմիների լիազորությունները: Կանանց և տղամարդկանց իրավունքները երկրում կհավասարեցվեն, նրանք կունենան ընտրական նույն հանրավորությունները: Այս մասին հաղորդում է Associated Press գործակալությունը:
Հիշեցնենք, որ արաբական մի շարք երկրներում տեղի ունեցած բողոքի ակցիաներից հետո Մարոկոյում ընդդիմությունն առաջ քաշեց երկրում բարեփոխումներ անցկացնելու անհրաժեշտության հարցը, տեղի ունեցան բազմահազարանոց ցույցեր, որոնք, սակայն, լուրջ բախումների չվերածվեցին: Կանխարգելելու համար բացասական զարգացումները երկրի ներսում` Մարոկոյի թագավորը գնաց լրջագույն բարեփոխումների` թունիսյան, եգիպտական և լիբիական տարբերակով զարգացումներից խուսափելու համար: