Ինչպես գրում է The New York Times օրաթերթը, գիտնականների ուսումնասիրության արդյունքներում պարզվել է, որ աշխարհի ամենաամուր զրահաբաճկոնները կարելի է ստանալ սարդի գործած ցանցերից` սարդոստայններից, որն աչքի է ընկնում ամրությամբ և առաձգականությամբ:
Կալիֆոռնիայի համալսարանի փորձագետները պարզել են, որ սարդոստայնից սարքված թելերն իրենց ամրությամբ գերազանցել են ամենաամուր և թանկարժեք մետաղներից սարքված լարերը:
Գիտնականները նաև կարծում են, որ սարդը հնարավորություն ունի 5 տեսակ թել արտադրել (ռուսները կարծում են, որ յոթ տեսակ): Սակայն մինչև հիմա ոչ մի երկրում չի հաջողվել սկսել սարդոստայնի արդյունաբերական արտադրությունը:
Ի տարբերություն շերամների, որոնք գործում են մետաքսաթելը, սարդերը գիշատիչ են, և անհրաժեշտ է նրանց ապահովել մեծ քանակությամբ կերով, այլապես սարդերը կսկսեն մեկը մյուսին խժռել: