Friday, 29 03 2024
ԱԹՍ-ն հարվածել է Բելգորոդի բազմաբնակարան շենքերից մեկին․ կա զոհ
19:10
Տեղի է ունեցել Ղրղզստանի և Տաջիկստանի սահմանազատման հանձնաժողովների հերթական հանդիպումը
Արևմտյան աջակցությունը իշխանությունները կկարողանա՞ն շոշափելի արդյունք դարձնել, թե՞ կփոշիացնեն
ՊԵԿ-ը բացահայտել է կառուցապատման ոլորտում առանձնապես խոշոր չափերով հարկեր չվճարելու դեպք
Լրատվական-վերլուծական երեկոյան թողարկում
102-րդ ռազմաբազան ՀՀ սուվերենության միակ իրական երաշխավորն է. ՌԴ ԱԳՆ
Գազա օգնություն ուղարկելով՝ Հայաստանն ուղերձ է հղում աշխարհին
Մահացել է «Կրոկուս»-ում ահաբեկչության տուժածներին օգնություն ցուցաբերած հայ երիտասարդը՝ 35-ամյա Կարենը
Ուղիղ. հարցազրույց Անդրանիկ Քոչարյանի հետ
Անկախության հռչակագիրը անփոփոխ է, չունի դադարեցման իրավաբանական հնարավորություն. «Գերագույն խորհուրդ» ակումբ
Տաջիկստանը ձերբակալել է 9 հոգու՝ «Կրոկուս սիթի հոլ»-ում տեղի ունեցած ահաբեկչության հետ առնչության համար. Reuters
Ֆանտաստիկ թիվ է․ տարեկան 1մլրդ․ դոլար տրամադրելով՝ ԱՄՆ-ն Հայաստանից ակնկալիքներ պետք է ունենա
ՄԱԿ-ի դատարանն Իսրայելին կարգադրել է թույլ տալ հումանիտար օգնության մուտքը Գազայի հատված
Լրատվական-վերլուծական երեկոյան թողարկում
Վասիլիս Մարագոսը վերահաստատել է ԵՄ-ի աջակցությունը Հայաստանում արդարադատության ոլորտի բարեփոխումներին
Ու՞մ է զգուշացնում Իրանը
Սիրիայի զորքերը պատասխան հարվածներ են հասցրել ավազակային կազմավորումներին
Գազայում հայտնել են, որ իսրայելական հարվածներից զոհերի թիվը գերազանցել է 32 600-ը
Իսրայելական հրետանին հարվածներ է հասցրել Լիբանանի հարավի երկու ավանների. ԶԼՄ-ներ
17:20
Հարավաֆրիկյան Հանրապետությունում 45 մարդ է զոհվել կամրջից ավտոբուսի ընկնելու հետևանքով
17:10
Կիևը և Վարշավան մտադիր են անվտանգության երաշխիքների մասին համաձայնագիր կնքել
17:00
Live. «Առաջին լրատվական» տեղեկատվական-վերլուծական կենտրոն
16:50
Ֆրանսիան կարող է չեղարկել Փարիզում Օլիմպիադայի բացման արարողությունը
16:40
Բրիտանիան չեղարկել է 100-ամյա արգելքը և թույլ կտա զինվորականներին մորուք պահել
ՌԴ ԱԳ փոխնախարարը հանդիպել է Աբխազիայի և Հարավային Օսիայի ներկայացուցիչներին
16:20
«Արաբական երկրները պատրաստ են ճանաչել Իսրայելը». Բայդեն
16:10
Իսպանիայում տեղակայվել է ՆԱՏՕ-ի երրորդ ռազմածովային բազան
Ադրբեջանցիները մշտապես ատել են հայերին. մեր խնդիրն է ցույց տալ սա
Դեղձենու մասսայական ծաղկում Արարատյան դաշտում՝ ժամկետից շուտ
Ո՞նց են որոշել, որ դա Հայաստանի տարածքը չ,է, եթե սահմանը հստակեցված չէ ․ Արա Պապյան

Պաշտոնական. Սերժ Սարգսյանը այցելել է Լատվիա

Լատվիայի նախագահ Վալդիս Զատլերսի հրավերով Նախագահ Սերժ Սարգսյանն այսօր երկօրյա պաշտոնական այցով ժամանել է Լատվիայի Հանրապետություն:

Հայաստանի նախագահի դիմավորման պաշտոնական արարողությունից հետո, տեղի է ունեցել նախագահներ Սերժ Սարգսյանի և Վալդիս Զատլերսի առանձնազրույցը, որին հաջորդել է երկու երկրների պատվիրակությունների ընդլայնված կազմով հանդիպումը:

Նախագահներ Սերժ Սարգսյանը և Վալդիս Զատլերսը գոհունակությամբ արձանագրել են, որ վերջին տարիներին փոխայցելությունների և բարձր մակարդակի հանդիպումների արդյունքում ակտիվացել է Հայաստանի և Լատվիայի միջև քաղաքական երկխոսությունը, զարգացել են կապերը մշակութային, կրթական և մի շարք այլ ոլորտներում:

Անդրադառնալով 2009թ. Լատվիայի նախագահի Հայաստան կատարած պետական այցին` կողմերը նշել են, որ Նախագահ Զատլերսի այցի ընթացքում ձեռք բերված մի շարք պայմանավորվածություններ արդեն կյանքի են կոչվել: Իսկ Հայաստանի նախագահի այցի նպատակն է շարունակել 2009թ. դեկտեմբերին կայացած արդյունավետ երկխոսությունը` ի նպաստ երկու երկրների միջև բարեկամական հարաբերությունների հետագա զարգացման և խորացման:

Զրույցի ընթացքում երկուստեք կարևորվել է հայ-լատվիական միջկառավարական հանձնաժողովի ստեղծման անհրաժեշտությունը, ինչպես նաև Երևանում և Ռիգայում դեսպանատների հիմնումը:

Հանդիպումից հետո տեղի է ունեցել փաստաթղթերի ստորագրման արարողություն: Մասնավորապես, ստորագրվել են Հայաստանի և Լատվիայի միջև 2011-2013թթ. մշակութային համագործակցության ծրագիր, ինչպես նաև երկու երկրների արտաքին գերատեսչությունների միջև եվրամերձեցման ոլորտում համագործակցության մասին արձանագրություն, որին հաջորդել է Հայաստանի և Լատվիայի նախագահների համատեղ մամուլի ասուլիսը:

Նախագահ Սերժ Սարգսյանի խոսքը Լատվիայի Նախագահ Վալդիս Զատլերսի հետ համատեղ մամուլի ասուլիսի ժամանակ

Մեծարգո՛ պարոն Նախագահ,

Շնորհակալ եմ ջերմ բարեկամական ընդունելության համար: Նախագահի կարգավիճակով սա իմ առաջին այցն է Լատվիա, թեև նախկինում բազմաթիվ առիթներ եմ ունեցել լինելու ձեր հյուրընկալ երկրում թե ի պաշտոնե, և թե որպես զբոսաշրջիկ: Կարծում եմ մենք մշտապես փոխայցելությունների և փոխճանաչողության լավագույն ավանդույթներ ենք ունեցել, որոնք այսօր վերածվել են ջերմ ու բարեկամական միջպետական հարաբերությունների։

Հարգելի՛ տիկնայք և պարոնայք,

Քիչ առաջ ավարտվեց Նախագահ Զատլերսի հետ մեր հանդիպումը: Բովանդակալից ու արդյունավետ զրույց ունեցանք երկուստեք հետաքրքրություն ներկայացնող մի շարք հարցերի շուրջ, քննարկեցինք հայ-լատվիական հարաբերությունների ներկա վիճակը և զարգացման հեռանկարները, ինչպես նաև կարծիքներ փոխանակեցինք միջազգային ու տարածաշրջանային խնդիրների վերաբերյալ:

Ուրախությամբ եմ արձանագրում, որ վերջին տարիներին բարձրաստիճան երկկողմ փոխայցելությունների և բազմակողմ ձևաչափերում տարբեր միջոցառումների ընթացքում կայացած հանդիպումների արդյունքում ակտիվացել է Հայաստանի և Լատվիայի միջև քաղաքական երկխոսությունը:

Կարևորեցինք բարձր մակարդակի մեր երկկողմ շփումները` մասնավորապես, անդրադարձ կատարելով պարոն Նախագահի` 2009թ. դեկտեմբերին Հայաստան կատարած այցին։ Պայմանավորվեցինք ապահովել մեր երկրների միջև ձևավորված բարձր մակարդակի քաղաքական երկխոսության շարունակականությունը` նպատակ ունենալով խթանել հայ-լատվիական բարեկամական հարաբերություններն ամենատարբեր ոլորտներում:

Մենք համակարծիք ենք, որ Հայաստանի և Լատվիայի միջև համագործակցությունը զարգացման մեծ ներուժ ունի և երկուստեք հայտարարեցինք մեր նպատակադրվածությունը լիարժեքորեն օգտագործելու առկա բարենպաստ նախադրյալները, այդ թվում` երկկողմ իրավապայմանագրային լայն դաշտի առկայությունն ու Երևան-Ռիգա կանոնավոր չվերթի առկայությունը:

Այս համատեքստում առանձնացվեցին մի շարք ուղղություններ` առևտրատնտեսական կապերը, զբոսաշրջությունը, տեղեկատվական տեխնոլոգիաները, գյուղատնտեսությունը, մշակույթը, միջխորհրդարանական կապերը, ինչպես նաև վարչատարածքային միավորների միջև համագործակցությունը: Կարևորվեց փոխգործակցությունն ընդլայնելու անհրաժեշտությունը բազմակողմ ձևաչափերում` միջազգային կազմակերպություններում և հատկապես` եվրամերձեցման բնագավառում:

Նշեմ, որ հայ-լատվիական համագործակցությունը մենք դիտում ենք նաև Հայաստանի եվրամերձեցման քաղաքականության համատեքստում: Գործընկերոջս հետ համակարծիք էինք, որ Արևելյան գործընկերությունը նոր հեռանկարներ է ստեղծում և որակական այլ հարթություն է տեղափոխում Եվրամիության և անդամ երկրների հետ մեր համագործակցությունը։ Հաշվի առնելով այն հանգամանքը, որ Լատվիան Արևելյան գործընկերության ջատագովներից է և հարուստ փորձ ունի եվրաինտեգրման բնագավառում՝ պայմանավորվեցինք այս ուղղությամբ ևս ակտիվացնել մեր գործակցությունը:

Այսօր մենք հերթական քայլն արեցինք այդ ուղղությամբ` ստորագրելով փաստաթուղթ երկու արտգործնախարարությունների միջև եվրաինտեգրման բնագավառում համագործակցության վերաբերյալ:

Արձանագրեցինք նաև, որ համաշխարհային ֆինանսատնտեսական ճգնաժամը անհետևանք չանցավ նաև հայ-լատվիական տնտեսական համագործակցության համար. 2009թ. կտրուկ նվազել էին առևտրաշրջանառության ցուցանիշները: Այդուամենայնիվ, 2010թ. գրանցվեց որոշակի աճ, ինչը սակայն, կարծում եմ, դեռ չի արտացոլում իրական ներուժի պատկերը։ Չեմ կասկածում, որ մենք ունակ ենք համատեղ ջանքերով հաղթահարել բոլոր դժվարությունները և ավելի բարձր ցուցանիշներ արձանագրել, քան մինչև ճգնաժամը:

Այս համատեքստում ես և Նախագահ Զատլերսը կարևորեցինք այցի շրջանակներում հայ-լատվիական հերթական գործարար համաժողովի անցկացումը: Մենք նաև պատրաստակամություն հայտնեցինք հետագայում ևս խրախուսել գործարարների միջև պարբերական շփումները` երկկողմ առևտրատնտեսական կապերն ընդլայնելու և առևտրաշրջանառության ծավալները մեծացնելու նպատակով:

Կարևորեցինք նաև հայ-լատվիական միջկառավարական հանձնաժողովի ձևավորումը, ինչի համար լավագույն իրավական հիմք է ծառայում 2009թ. գործընկերոջս` Հայաստան կատարած այցի ժամանակ ստորագրված տնտեսական և գիտատեխնիկական համագործակցության մասին համաձայնագիրը:

Ընդգծեցինք նաև միջխորհրդարանական կապերի զարգացման դերն ու նշանակությունը մեր հարաբերությունների օրակարգում: Գովելի է, որ արդեն իսկ մեր խորհրդարաններում գոյություն ունեն բարեկամության խմբեր. մեզ անհրաժեշտ է նրանց ակտիվ և հետևողական աշխատանքը, մասնավորապես միջազգային խորհրդարանական կազմակերպությունների շրջանակներում:

Նշեցինք մշակութային կապերի և մարդկային շփումների ընդլայնման և այս ոլորտում մեր լավագույն ավանդույթների պահպանման կարևորությունը։

Այցի շրջանակներում ստորագրվեց Հայաստանի և Լատվիայի մշակույթի նախարարությունների միջև համագործակցության ծրագիր առաջիկա երեք տարիների համար:

Օգտվելով առիթից սրտանց ուզում եմ հրավիրել Լատվիայի քաղաքացիներին այցելել Հայաստան: Վստահեցնում եմ, որ դա կլինի հետաքրքիր և վառ տպավորություններով լի հանգիստ: Հայաստանը շատ գեղեցիկ է, հարուստ պատմական ժառանգություն ունեցող մեր երկիրն ունի նաև ժամանցի կազմակերպման անընդհատ զարգացող ենթակառուցվածք: Ուղիղ ավիաչվերթի առկայության և Հայաստանի ճկուն վիզային համակարգի պայմաններում մեր երկրի ուղղությամբ ճանապարհորդության կազմակերպումը բավականին դյուրին է:

Լատվիացի գործընկերոջս ներկայացրեցի Լեռնային Ղարաբաղի հիմնախնդրի կարգավորման վերջին զարգացումները։ Վերահաստատեցի հայկական կողմի դիրքորոշումը. մենք հավատարիմ ենք հակամարտությունը ԵԱՀԿ Մինսկի խմբի բանակցային ձևաչափով խաղաղ կարգավորելու հանձնառությանը։

Մտքեր փոխանակեցինք նաև Թուրքիայի կողմից ներկայումս սառեցված հայ-թուրքական գործընթացի վերաբերյալ:

Նախագահ Զատլերսի հետ մեր հանդիպումները գնահատում եմ չափազանց արդյունավետ և հույս հայտնում, որ դրանք շարունակական բնույթ կկրեն, իսկ մեր ժողովուրդների բարեկամությունն էլ ավելի արգասաբեր կդառնա:

Շնորհակալություն:

ՀՀ նախագահի աշխատակազմ

Բաժիններ
Ուղիղ
Լրահոս
Որոնում