Հայաստանում սկիզբ առած սոցիալական բողոքները, բնականաբար, չեն կարող իշխանության ներսում լարում չառաջացնել։ Այս մասին մեզ հետ զրույցում նշեց ԱԺ ԲՀԿ-ական պատգամավոր Վարդան Բոստանջյանը։ Նա միաժամանկ նկատեց, որ իշխանությունները բոլոր դեպքերում հակված են, որպեսզի հատկապես սոցիալական բնույթի անհանգստություններ կամ հեղափոխական երևույթներ չլիեն։ «Իշխանությունը իր հերթին աշխատում է հնարավորինս դրանց դրական պատասխան տալ։ Երբեմն ռեսուրսները չեն բավականացնում խնդիրները ցանկալի ծավալով իրականցնելու։ Սակայն դա չի նշանակում, որ սոցիալական բունտ կարող է բարձրանալ, և մեզանում կարող են կրկնվել այն սցենարները, ինչ, ասենք, Մերձավոր Արևելքում»,- ավելացրեց Վարդան Բոստանջյանը։