Այսօր առավոտյան ՖԻՖԱ-ն հրապարակել է ազգային հավաքականների դասակարգման հերթական աղյուսակը: Նախորդ հրապարկման համեմատ` Հայաստանի հավաքականը նահանջել է 3 հորիզոնականով և այժմ զբաղեցնում է 65-րդ տեղը:
Առաջին եռյակում փոփոխություններ չեն գրանցվել: Իսպանիայի հավաքականը շարունակում է վստահորեն գլխավորել աղյուսակը: Հոլանդիայի ընտրանին երկրորդն է, գերմանացիները` երրորդը:
«Եվրո-2012»-ի ընտրական մրցաշարի խմբային փուլում Հայաստանի հավաքականի մրցակիցներից միայն Իռլանդիայի ընտրանին է բարելավել իր դիրքը և նախորդ հրապարակման 35-րդ տեղի փոխարեն այժմ 34-րդն է: Ռուսաստանը նահանջել է 1տեղով (13 տ.), Սլովակիան` 4 (22 տ.), Մակեդոնիան` 4 (83 տ.), Անդորրան նույն 202-րդ տեղում է: