Երկու հայ գրոսմայստերները քնած մնալու պատճառով երեքշաբթի բաց են թողել Դելիում Շախմատի միջազգային մրցաշարի երկրորդ փուլը: Նրանց քնած են գտել հյուրանոցի համարներում՝ անտեղյակ 11 փուլից կազմված մրցաշարի 2-րդ ռաունդի մասին:
Դավիթ Պետրոսյանին ու Գևորգ Հարությունյանին մեկ ժամ սպասելուց հետո, գլխավոր մրցավարը հաղթող է ճանաչել նրանցից թույլ մրցակիցներին: Այս մասին հայտնում է indiatimes.com-ը:
Կազմակերպիչների հետ կապվելով՝ գրոսմայստերները , որոնք հանգրվանել էին մայրաքաղաքի ծայրամասերից մեկի 5 աստղանի հյուրանոցում, հայտնել են, որ տեղյակ չեն եղել այդ օրը երկրորդ ռաունդի անցկացման մասին:
Սակայն, գլխավոր մրցավար Անանթարամ Ռատինամի հետ զրույցից հետո, երկուսն էլ ընդունել են իրենց սխալը:
Երկու հայ գրոսմայստերներն էլ առաջին փուլում գրանցել են հեշտ հաղթանակներ:
