Այսօր սկսվում է ԱՄՆ փոխնախագահ Ջո Բայդենի այցելությունը Մոսկվա: Կրեմլում նա հանդիպումներ կունենա Ռուսաստանի նախագահ Դմիտրի Մեդվեդևի հետ կքննարկվի մի շարք կարևոր հարցեր, այդ թվում` Վրաստան, Առևտրի համաշխարհային կազմակերպություն և այլն:
Коммерсант-ը նշում է, որ կարիք չկա կարծելու, որ մանրամասն կքննարկվի Եվրոպայում ամերիկյան հակահրթիռային համակարգի տեղակայման հարցը. «Դրա մասին քննարկումներ կլինեն, սակայն բայդենը դրա համար չի եկել Ռուսաստան»,- ասել է ՌԴ նախագահի օգնական Սերգեյ Պրիխոդկոն:
Մինչը Բայդենի այցը կրեմլյան պաշտոնյաները հայտարարել են, որ ԱՄՆ փոխնախագահի այցելության հիմնական նպատակը տնտեսական խնդիրների քննարկումն է: Դրա վառ ապացույցը Aeroflot ավիաընկերության և Boeing ավիաշինական ընկերության միջև ստորագրված պայմանագիրն է, որն այսօր կստորագրվի Բայդենի և ՌԴ կառավարության փոխվարչապետ Իգոր Շուվալովի ներկայությամբ: Պայմանագրով ռուսական ընկերությունը գնելու է Boeing 777-300ER մակնիշի ութ ինքնաթիռ, իսկ գործարքի ընդհանուր գինը կկազմի 1.8 մլրդ դոլար:
Հիմնական թեման, որ քննարկվելու է երկու կողմերի միջև` Առևտրի համաշխարհային կազմակերպությանը Ռուսաստանի անդամակցության հարցն է: ԱՄՆ-ն այս առումով խնդիրներ չի ստեղծում ԱՀԿ-ին Ռուսաստանի անդամակցության համար: Երկու երկրների միջև խնդիրները հիմնականում հարթված են: Սակայն Ռուսաստանի ճանապարհին կանգնած է Վրաստանը, որը Մոսկվայից պահանջում է վրացիների ներկայությունը Աբխազիայի և Հյուսիսային Օսիայի սահմանակետերում:
Ձևական առումով Վրաստանը Ռուսաստանի ճանապարհին խոչընդոտներ չի ստեղծում: Վրաստանի իշխանությունները կոչ են անում, որպեսզի այս հարցը կարգավորվի ԱՀԿ-ի շրջանակում Ռուսաստան- ԱՀԿ բազմակողմ հուշագրի քննարկման ընթացքում: Ռուսաստանը իրականում կարող է շրջանցել վրացական վետոյի հնարավոր կիրառումը` ԱՀԿ-ին խնդրելով, որպեսզի այդ կազմակերպությանը Ռուսաստանի անդամակցության հարցը լուծվի ոչ թե կոնսենսուսի միջոցով, այլ անդամ երկրների ձայների մեծամասնությամբ: Սակայն այս պրակտիկան նախկինում չի կիրառվել և կարող է վտանգավոր նախադեպ ստեղծել: Այս դեպքում համաձայնությունները ԱՀԿ-ի շրջանակներում պետք է ձեռք բերվեն ոչ թե բազմակողմ, այլ երկկողմ մակարդակում: Ամեն դեպքում, եթե նույնիսկ Ռուսաստանը դիմի այս տարբերակին, նրա անդամակցության հարցն առաջիկա տարիներին չի լուծվի:
Վրացիներն ասում են, որ իրենց ձեռնտու է ձեռնտու է, որպեսզի Ռուսատսանը դառնա ԱՀկ անդամ, քանի որ այդ դեպքում իրենք կունենան քաղաքակիրթ գործընկեր: Սակայն սահմանակաետերի հարցում վրացիները փոխզիջման գնալու մտադրություն չունեն: Հիմա Ռուսաստանը հույս ունի, որ ԱՄՆ-ն, որը մեծ ազդեցություն ունի վրացական իշխանությունների վրա, կարող է ազդել ռուս-վրացական այս հիմահարցի լուծման վրա:ըստ Սերգեյ Պրիխոդկոյի, համենայնդեպս ամերիկյան կողմից այդպիսի ազդանշաններ կան:
Ըստ Коммерсант-ի, քննարկման հիմանկան թեմաներից է լինելու նաև Լիբիայում կարգավորման հիմնախնդիրը: