«Գործընկերություն հանուն բաց հասարակության» նախաձեռնության «Հայաստանում եվրոպական հարևանության քաղաքականության իրականացումը – 2010 թ.» տարեկան զեկույցը ներկայացվեց այսօր «Կոնգրես» հյուրանոցում:
Զեկույցը ներկայացնում է գործողությունների 5-ամյա ծրագրի 4-րդ տարվա իրականացման վերլուծությունը:
2010 թ. մոնիտորինգում նոր ոլորտներ են ընդգրկվել. այն անդրադարձել է մարդու իրավունքների հարցերին (հավաքների ազատություն, քրեակատարողական համակարգ, զինված ուժեր, ոստիկանություն, կրոնի ազատություն), քաղաքացիական հասարակության մասնակցությանը, մաքսային ոլորտներին և պետական գնումներին:
Նշված ոլորտներում անցկացված խոր վերլուծության հիման վրա զեկույցը առաջարկներ է անում, որոնց հետևելու դեպքում ավելի ռացիոնալ կլինի ծրագրի իրականացումը, ինչը խթանելը կարևոր է, քանզի, թեև մեկ տարի է մնում մինչև ծրագրի ավարտը, Հայաստանի ստանձնած պարտավորությունները հեռու են կատարված լինելուց: