Կոտ դ’Իվուարի չճանաչված նախագահ Լորան Գբագբոն հայտնել է կակաոյի արտահանումն ազգայնացնելու իր մտադրությունների մասին: Մարտի 8-ին այս մասին գրում է The Financial Times թերթը` հղում անելով երկրի պետական հեռուստառադիոընկերության փոխանցած տեղեկությանը:
Այս որոշումը պատասխան էր Գբագբոյի մրցակից` Կոդ դ’Իվուարի ընտրված նախագահ Ալասան Ուատարային, որը հունվարին որոշում էր կայացրել կակաոյի և սուրճի արտահանման արգելքի մասին: Կակաոյի վաճառքն արտասահման, ըստ Ուատարայի, կհանգեցնի անօրինական ռեժիմը ֆինանսավորելուն: Արգելքը պետք է գործեր մեկ ամիս, սակայն փետրվարի վերջին դրա ժամանակն ավելացվեց:
Գբագբոն այս քայլը պատճառաբանել է նրանով, որ արգելքից հետո շատ ընկերություններ, որոնք զբաղված են կակաոյի վաճառքով, կուտակել են մեծ պաշարներ, և նրանց անհրաժեշտ է օգնել: Թե հետագայում ինչպես են կարգավորվելու այս խնդիրները, և թե երկիշխանությունը Կոտ դ’Իվուարում ինչ ազդեցություն կունենան կակաոյի համաշխարհային գների հետագա աճի վրա՝ կերևա մոտ ապագայում:
Կոդ դ’Իվուարն աշխարհի կակաոյի խոշորագույն արտադրողներից է` մոտ 40%-ը, իսկ դրա վաճառքից ստացված եկամուտները կազմում են երկրի ՀՆԱ-ի ¼-ը: Երկրում սկսված քաղաքական ճգնաժամից հետո աշխարհում կակաոյի գինը հասել է վերջին 30 տարվա ընթացքում մաքսիմումին:
