Հյուսիսային Կորեայի իշխանությունները, սննդամթերքի նոր աղբյուրների փնտրտուքի մեջ չեն սահմանափակվել զարգացած երկրներով և դիմել են աշխարհի աղքատ երկրներին: Ինչպես գրում է France Presse գործակալությունը` հղում կատարելով հարավկորեական «Չունան իլբո» թերթին, այն երկրների շարքում, որոնցից Պհենյանը օգնություն է խնդրել, կա նաև Զիմբաբվեն:
Արժույթի միջազգային հիմնադրամի տվյալներով, 2010թ.-ին Զիմբաբվեի ՀՆԱ-ի մեկ շնչին ընկնող ինդեքսը հվասար էր 475 դոլար: Միևնույն աժամանակ, ըստ ԱՄՆ Կենտրոնական հետախուզական ծառայության տվյալների Հյուսիսային Կորեայում նույն ցուցանիշը գերազանցել է 1,200 դոլարը: Հղում կատարելով Հարվային Կորեայի դիվանագիտական աղբյուներին` թերթը գրում է, որ իրենց հյուսիսային հարևանն օգնություն է խնդրել նույնիսկ Աֆրիկայի աղքատ երկրներից, որոնց այդ օգնությունը նույնպես չէր խանգարի:
Ավելի վաղ տարեկան Հյուսիսային Կորեա էր ուղարկվում 400 տոննա բրինձ հարավից, սակայն այդ մատակարարումը դադարեցվեց 2008թ.-ին: Սա տեղի ունեցավ հարավային կորեայի նախագահի պաշտոնում Լի Մեն Բեկի ընտրվելուց հետո, որի հարաբերությունները Կիմ Չեն Իրի ռեժիմի հետ սկսեցին վատանալ:
Արևմտյան երկրները, մեկնաբանելով Հյուսիսային Կորեայի օգնություն ցույց տալու բազմաթիվ խնդրանքները կասկածներ են հայտնել դրա անհրաժեշտության մասին: Նրանց կարծիքով այս պահանջների ետևում կանգնած են քաղաքական մոտիվները, իսկ իրականում այդ երկրում իսկական սով չի նկատվում: Նյութերն ըստ Lenta.ru-ի:
