Նավթ արտահանող երկրների կազմակերպության` OPEC-ի մի շարք առանցքային երկրներ որոշում են կայացրել Լիբիայից նավթի արտահանման խափանման հետևանքով առաջացած ողջ պահանջարկը բավարարել սեփական ուժերով: Քուվեյթը, Արաբական Միացյալ Էմիրությունները և Նիգերը որոշել են այս հարցում օգնել Սաուդյան Արաբիային, որը երկու շաբաթ առաջ որոշում էր կայացրել ավելացնել նավթի արդյունահանումը և միջազգային շուկա դրա արտահանումը 700 հազար բարելով: Այս մասին գրում է The Financial Times-ը:
Երեք երկրները հաջորդ շաբաթվանից կավելացնեն իրենց արտահանումը 300 հազար բարելով` դրանով կոմպենսացնելով միջազգային շուկայի բոլոր կորուստները: Այս պահին Նյու Յորքի բորսայում նավթի գինը տատանվում է 106-107 դոլար/բարելի սահմաններում, իսկ Լոնդոնյան բորսայում Brent մակնիշի նավթի գինն անցել է 116 դոլար/բարել սահմանը: