«Սա հանդիպում էր, որը, ցավոք, պետք է դիտարկել բավական վտանգավոր ֆոնի և խաղի կանոնների համապատկերում»,- «Առաջին լրատվական»-ի հետ զրույցում Ս. Սարգսյան-Ի. Ալիև-Դ. Մեդվեդև հանդիպումն այսպես որակեց «Ժառանգություն» խմբակցության ղեկավար Ստեփան Սաֆարյանը:
«Ամեն մի հանդիպումից առաջ կամ անմիջապես հետո Ադրբեջանն պարզապես հայ զինվորի արյուն է թափում: Եվ կեցվածք ընդունել ու գնալ հանդիպումների, որոնք հայ զինվորի կյանք արժեն, չարժե: Եթե միջազգային հանրության համար այլևս արտառոց չէ դա, ապա հայկական կողմի համար ոչ միայն արտառոց պիտի լինի, այլև, բուրան քշել գնալու փոխարեն, պիտի հստակ պահանջ դրվի` փաստաթղթերի տակ Ադրբեջանի ստորագրություն ու դիվերսիոն գործողություններն անհամատեղելի են»,- ասաց նա:
Ինչ վերաբերում է ընդունված հայտարարությանը, պարոն Սաֆարյանը գնահատական հնչեցրեց, որ չգիտի՝ ինչն է իշխանությունների հիացմունքի պատճառը: «Փաստը մնում է այն, որ ԼՂ-ն ներկայացված չէ բանակցություններում, և հորիզոնում չեն երևում իշխանությունների խոստումները, որ գնում են ԼՂ միջազգային ճանաչման»,- ասաց նա:
