Новости-Грузия-ն տեղեկացնում է, որ Եվրամիության ինտեգրման պետական հանձնաժողովը հաստատել է 2011-ի «Եվրոպական հարևանության» ծրագրով նախատեսված գործողությունների պլանը:
«Չնայած տնտեսական ճգնաժամին ու վրացական տարածքների «օկուպացիային», կառավարությունը հաջողությամբ իրականացրել է անցած տարվա համար նախատեսված գործողությունների պլանը»,- հայտարարել է հանձնաժողովի նախագահ, եվրոպական և եվրոատլանտյան կառույցներին ինտեգրման հարցերով պետնախարար Գեորգի Բարամիձեն:
Նրա խոսքով, 2011-ի գործողությունների նախագծի հիմնական շեշտը դրված է օրենքի գերակայության և պետական կառավարման ոլորտների բարեփոխման վրա, սակայն փոփոխություններ են նախատեսվում նաև էներգետիկ, տրանսպորտի, կրթության, առողջապահության և այլ ոլորտներում:
