Ֆրանսիայի աջ ծայրահեղական «Ազգային ճակատ» կուսակցության առաջնորդ Մարին լե Պենը, որը սկանդալային Ժան-Մարի Լե Պենի դուստրն է, կարող է առաջիկա ընտրությունների ժամանակ հաղթել երկրի գործող նախագահ Նիկոլա Սարկոզիին: Այս մասին են վկայում Harris Interactive հետազոտական ինստիտուտի կողմից անցկացված հարցումները, որոնք հրապարակվել են Le Parisien թերթում:
Ըստ այդ հարցումների` Մարին լե Պենն այսօր ունի բնակչության 23% աջակցություն, իսկ Սարկոզին` 21%: Ֆրանսիայի նախագահի ընտրությունները կկայանան 2012թ.: Դեռ 2011թ. կեսերին, երբ Մարին Լե Պենը փոխարինեց հորը, հարցումները ցույց էին տալիս, որ նա կարող է զբաղեցնել ընդամենը 3-րդ տեղը, սակայն շատերի համար այս թռիչքն անակնկալ է եղել:
