Ոստիկանության քննչական գլխավոր վարչության Լոռու մարզի քննչական բաժնում հոկտեմբերի 6-ին հարուցվել է քրեական գործ ՀՀ քրօրի 112 հոդվածի 1-ին մասի հատկանիշներով:
Ֆոտոլրագրող Գագիկ Շամշյանը shamshyan.com-ին հայտնել է, որ այդ օրը՝ ժամը 19-ից ժամը 20-ն ընկած ժամանակահատվածում, Վանաձոր քաղաքում կենցաղային հարցերի և նախկինում միմյանց միջև տարաձայնություններ ունենալու պատճառով, միմյանց հետ վիճաբանել են Վանաձոր քաղաքի բնակիչներ՝ 53-ամյա Պետրոս Պետրոսյանը, նրա որդի Ալբերտ Պետրոսյանը և Վահագն Ավագյանը: Վիճաբանության ժամանակ Վ. Ավագյանն իր մոտ եղած սուր կտրող-ծակող գործիքով ծանր մարմնական վնասվածք է պատճառել Ա. Պետրոսյանին, ով տեղափոխվել է Վանաձորի թիվ 1 հիվանդանոց:
Ոստիկանությունը ձեռնարկում է օպերատիվ քննչական միջոցառումներ՝ հայտնաբերելու Վ. Ավագյանին: Գ. Շամշյանը հայտնում է, որ Ա. Պետրոսյանը Վանաձոր քաղաքի «Զեյթուն» համատիրության նախագահն է, իսկ Վ. Ավագյանը «Տարոն-4» համատիրության նախագահը: