Ինտերպոլն, այսպես կոչված, «նարնջագույն նախազգուշացում» է տվել գնդապետ Մուամար Քադաֆիի, ինչպես նաև նրա ընտանիքի անդամների և մերձավոր շրջապատի 15 անդամների հարցով: Այս մասին հաղորդում է BBC հեռուստաալիքը:
Նախազգուշացումը նպատակ ունի տեղեկացնել կազմակերպության 188 անդամ երկրներին, որպեսզի նրանք կատարեն ՄԱԿ-ի պատժամիջոցները, ինչպես նաև օգնեն Հաագայի միջազգային դատարանում գործի քննությանը:
Հիշեցնենք, որ փետրվարի 26-ին ՄԱԿ-ի Անվտանգության խորհուրդը միաձայն ընդունել է Լիբիայի բարձրաստիճան պաշտոնյաների նկատմամբ պատժամիջոցներ կիրառելու բանաձևը: Իսկ մարտի 3-ին Հաագայի միջազգային քրեական դատարանը քննություն է սկսել Լիբիայում Քադաֆիի և նրա կողմնակիցների կողմից մարդկության դեմ հանցագործություն կատարելու հարցով: