Հոկտեմբերին Երևանում կբացվի «Հայ-հնդկական տեղեկատվական և հեռահաղորդության տեխնոլոգիաների ուսումնական կենտրոնը»: Կենտրոնի ստեղծման աշխատանքներն իրականացվում են Հայաստանի և Հնդկաստանի կառավարությունների միջև կնքված համաձայնագրի շրջանակում, որը կոչված է խորացնել երկկողմ համագործակցությունը տեղեկատվական և հեռահաղորդակցման տեխնոլոգիաների ոլորտում:
Աշխատանքները Հայաստանից համակարգում է «Ձեռնարկությունների ինկուբատոր հիմնադրամ»-ը, որի շրջանակներում նախորդ տարի 8 դասախոսներ վերապատրաստվել են Հնդկաստանում, որոնք Հայաստանում անցկացրել են դասընթացներ` 60 տեղի մասնագետների համար:
Բացի այդ, Հնդկաստանից մի քանի մասնագետներ մեկ տարի կլինեն Հայաստանում և կաջակցեն կենտրոնի կայացմանը:
Հայ-հնդկական տեղեկատվական կենտրոնը հագեցված է լինելու նաև գրականությամբ, որի մատակարարման գործընթացն ավարտման փուլում է:
Նշենք, որ կենտրոնը նախապատրաստելու է համաշխարհային մակարդակի բարձրակարգ ՏՀՏ ոլորտի մասնագետներ` հայկական շուկայում ներդրումներ ներգրավելու նպատակով:
