Thursday, 28 03 2024
Գազայում սովը կարող է դիտվել որպես պատերազմի հանցագործություն. ՄԱԿ-ի Մարդու իրավունքների գերագույն հանձնակատար
18:10
«Գերմանիայի հատուկ ծառայությունները չեն իմացել Մերձմոսկվայում նախապատրաստվող ահաբեկչության մասին». Շոլց
18:09
ԱՄՆ-ն 228 մլն դոլար է հատկացրել Բալթյան երկրներին 2024 թ. պաշտպանության համար
Հայկ Մարությանն առաջիկայում կուսակցություն կհիմնի
Ղրղզստանի մայրաքաղաքում ավազամրրիկից շենքեր և ավտոմեքենաներ են վնասվել
18:06
Ֆրանսիայում դադարեցվել է գնացքների երթևեկությունը «Նելսոն» փոթորկի պատճառով
«Սիրիայում, Լիբիայում, Ղարաբաղում կամ այլ տեղ բախվում էինք գլոբալ դաշինքի հակազդեցությանը». Էրդողան
Լրատվական-վերլուծական երեկոյան թողարկում
Վանաձորում հղի կնոջ մահվան համար մեղադրանք է առաջադրվել 3 բժշկի
18:01
Նվիրված ու պրոֆեսիոնալ թիմ, ճկուն աշխատելաոճ և գործունեության թափանցիկություն. սա է Հայէկոնոմբանկի հաջողության բանաձևը. Արտակ Առաքելյան
Ալի Նաղիեւը ԵՄ դիտորդական առաքելությունը համարում է «ահաբեկչական»
Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը
17:50
Քլինթոնը լոբբինգ է արել Կրասիկովի հետ Նավալնիի փոխանակման համար
Վրաստանի լեռնադահուկային հանգստավայրում ձնահյուսի պատճառով կա անհետ կորած
17:30
Սեուլում ավտոբուսների վարորդները գործադուլ են հայտարարել
17:20
Բուլղարիայում տեղի կունենան արտահերթ խորհրդարանական ընտրություններ
Եվրանեսթում մենք կողմ ենք քվեարկել մեր ընդդիմադիրների առաջարկին, իրենք մերին`ոչ.շատ բան չփոխվեց
Բաքվի վարքագիծն անընդունելի է. Բաքոյանը՝ ԼՂ-ի նախկին ղեկավարներից հարցազրույցներ վերցնելու մասին
Իսրայելը հայտնել է Լիբանանից հրթիռների արձակման մասին
17:00
Live. «Առաջին լրատվական» տեղեկատվական-վերլուծական կենտրոն
Վրաստանը մտադիր է երկու տարվա ընթացքում 3,7 մլրդ լարի ծախսել կլիմայի փոփոխության դեմ պայքարի համար
ԵԱՏՄ-ից դուրս գալու հարց Հայաստանը չի քննարկում. ՔՊ պատգամավոր
Օր առաջ հայտարարել ռուսական ռազմակայանը ՀՀ-ից հանելու մասին. Հայկ Միրզոյան
Անհապաղ դո՛ւրս գալ ՀԱՊԿ-ից և ԵԱՏՄ-ից. Ժողովրդավարական հասարակական-քաղաքական ուժերի հայտարարությունը
«Հայ-վրացական հարաբերությունները ռազմավարական մակարդակի են». Ռուբինյան
«Եվրամիությունը հիասթափեցրել է Վրաստանին». Պապուաշվիլի
Մենք Հայաստանին օգնելու պարտականություն ունենք ագրեսորի դեմ պայքարում․ Անն-Լորանս Պետելի հարցազրույցը
Բաքուն «ջրային ագրեսիա» է նախապատրաստում
Ղրղզստանը հայտնել է ՌԴ-ում ահաբեկչություններին մասնակցելու համար երկրի քաղաքացիներին հավաքագրելու փորձերի մասին
Բրյուսելյան սեղանին երաշխիքների փաստաթուղթ կլինի. Բաքվի նկրտումները չեն հաջողվելու

Դա ստեղծված իրավիճակից դուրս գալու ելք է, ոչ թե ուլտիմատում

«Առաջին լրատվականի» զրուցակիցն է «Հանրապետություն» կուսակցության քաղխորհրդի նախագահ Արամ Սարգսյանը:


– Հայ ազգային կոնգրեսի վերջին հանրահավաքում Լևոն Տեր-Պետրոսյանի նախաձեռնությամբ քվեարկության դրվեց և ժողովրդի կողմից ընդունվեց 15 կետից բաղկացած հայտարարությունը: Ձեր կարծիքով, որքանո՞վ են իրականանալի այդ կետերը, կգնա՞ն իշխանությունները դրանց իրականացման, քանի որ իշխանական ճամբարից թեև դրա բովանդակությունը չվիճարկեցին, բայց այն միաբերան որակեցին որպես ուլտիմատում:


– Ես կարևորում եմ այդ առաջարկությունների ե՛ւ հասարակական, ե՛ւ իշխանական ընկալումները: Լևոն Տեր-Պետրոսյանն այդ առաջարկությունները դրեց հանրահավաքին մասնակից հասարակության քվեարկությանը, և հասարակության մեծամասնության կողմից այն ընդունվեց` գրեթե միաձայն: Հանրահավաքին չմասնակցած որոշակի շրջանակների հետ այս օրերին շփվելիս տպավորություն ստացա, որ իրենք էլ են ընդունում այդ առաջարկները, և եթե հանրահավաքին ներկա լինեին, ապա իրենք էլ կողմ քվեարկեին: Հետևել եմ նաև իշխանական ճամբարի արձագանքներին: Նրանց կողմից չտեսա որևէ քաղաքական գործչի, որը մերժեր այդ առաջարկներից որևէ մեկը, ասեր` ինքը դեմ է դրան: Նրանք միայն դա որակեցին որպես ուլտիմատում, և քանի որ դա մեր առաջարկն էր, այլ ոչ թե իրենցը, այդ պատճառով են մերժում: Իրականում մենք ամենևին էլ ուլտիմատում չենք ներկայացրել այս իշխանություններին, այլ ընդամենը մեր մտահոգություններն ու պահանջներն ենք ներկայացրել: Եթե ուլտիմատում ներկայացնեինք, ապա հենց նույն օրը կգնայինք Բաղրամյան պողոտա: Ուլտիմատումը, այ, դա կլիներ: Բայց մենք ասում ենք` կան այդ խնդիրները, մտածեք երկրի մասին, և եթե չեք ուզում, որ մեր երկրում տեղի ունենան այն արյունալի իրադարձությունները, ինչ արաբական երկրներում, մասնավորապես` աֆրիկյան հատվածում, ապա պետք է հետևություններ անել: Մենք չենք ուզում, որ Հայաստանում էլ նույն արյունալի գործընթացները լինեն: Մեզ մոտ նույն խնդիրներն են, ինչ այնտեղ. դեռ ավելին, տնտեսական առումով, եթե համեմատվում ենք Լիբիայի հետ, մենք բավական հետ ենք: Այնպես որ, առկա խնդիրները լուծումներ են պահանջում, և մենք փորձում ենք այդ լուծումները քաղաքակիրթ, դեմոկրատական ճանապարհով առաջ տանել: Ու դա, եթե կուզեն, թող ընդունեն մեծ եղբոր խորհուրդ, և ոչ թե ուլտիմատում: Ցավում եմ, որ իրենք այդպես են ընդունել: Լիբիայում ժողովրդին օդուժը ռմբակոծեց, սակայն դրանից մարդիկ ոչ թե վախեցան, այլ՝ բազմապատկվեց հանրահավաքի մասնակիցների թիվը: Նույնը նաև մեզ մոտ՝ Ազատության հրապարակի գիշերային ջարդից հետո մարտի 1-ին քաղաքապետարանի մոտ հավաքված ժողովուրդը անհամեմատ ավելին էր, քան մինչ այդ եղած հանրահավաքներին: Եվ սա էր, որ իշխանություններին այլընտրանք չթողեց, քան ռազմական դրություն մտցնելը: Այնպես որ, մենք չենք ուզում նորից նման խնդիր առաջանա. թող իրենք տարբերակ առաջարկեն, բայց իրենց տարբերակներն էլ կրկին այս հարցերի ցանկից պետք է լինեն, այդ ցանկում պետք է գտնեն լուծումներ, որ կարողանան ներքաղաքական իրավիճակը հանգստացնել: Անցած հանրահավաքին տեսաք հասարակության տրամադրությունները. մարդիկ ուզում են, որ մենք ասենք` միանգամից գնացինք կամ Բաղրամյան պողոտա, կամ Ազատության հրապարակ, կամ շուրջօրյա հանրահավաքների: Հասարակության մոտ անցել է վախը:


 – Իշխանությունների արձագանքից կարելի է ենթադրել, որ իրենք, այնուամենայնիվ, չեն գնալու այդ խնդիրների լուծմանը:


– Իմ կարծիքով, իշխանության թիվ մեկ խնդիրն այսօր հասարակության ներկայացրած պահանջները կատարելն է: Հասարակությունն արդեն երեք տարի է` տեսնում է, որ նրանք ոչինչ չեն անում: Դրա համար է, որ մարտի 1-ի դեպքերից երեք տարի հետո հասարակությունը նման քանակությամբ մասնակցում է հանրահավաքներին: Իսկ իրենք իրենց հարց չեն տալիս, թե ինչու այդքան մարդ հավաքվեց հանրահավաքին, առավել ևս, որ ադմինիստրատիվ լծակներով ամեն ինչ արեցին, որ քիչ մարդ մասնակցեր: Բայց ապարդյուն. միևնույն է, մարդիկ մասնակցեցին հանրահավաքին: Եվ ուրեմն` ինչ-որ պատճառ կար դրա համար, ուստի` իրենք պետք է պատճառը վերացնեն, ոչ թե փորձեն մարդկանց վախեցնել: Այսօր ողջ աշխարհը Եգիպտոսի, Թունիսի, Լիբիայի ժողովրդի կողմից է, քանի որ այդ մարդիկ անգամ կյանքի գնով պաշտպանում են իրենց ազատությունը: Վաղը, եթե մենք փողոց դուրս գանք, և իրենք եթե փորձեն ուժային գործողությունների դիմել, ապա ամբողջ աշխարհը պաշտպանելու է մեզ, որովհետև մենք մեր իրավունքներն ենք պաշտպանում: Իսկ իրենք կոմայի մեջ ընկնողների և ծերացած մառազմատիկների դիրքերում են հայտնվելու, ինչը, անկեղծ ասած, ես չեմ ուզում: Այնպես որ, մեր ներկայացրածը ոչ թե ուլտիմատում է, այլ` գործընթաց, որպեսզի արաբական, աֆրիկյան երկրների ճանապարհով չգնանք. չէ՞ որ մենք Եվրոպայի մաս ենք: Անգամ իրենց ամենամոտ բարեկամն իրենց նման առաջարկ չէր անի, այնպես որ, պետք չի մեր ասածներին թշնամաբար վերաբերվեն: Ով ինչ ուզում է ասի` Հայ ազգային կոնգրեսն այս երկրի ամենաիրական ու կոշտ ընդդիմությունն է, բայց Հայ ազգային կոնգրեսն այս երկրում ամենաշատ ընդառաջ քայլերն արած, ամենաշատ կոնկրետ ու լուրջ առարկություններ ներկայացրած կառույցն է:


– Եթե մինչև մարտի 17-ը քայլ չկատարեն, ի՞նչ է սպասվելու դրանից հետո:


– Մինչև մարտի 17-ը դեռ երկար ժամանակ կա: Օրինակ` արաբական երկրներում գործընթացները սկսվելուց հետո իրենք փորձեցին քայլերի դիմել. կառավարություն փոխեցին, լիազորություններ ցած դրեցին, բայց արդեն ուշ էր: Ես նրանց խորհուրդ եմ տալիս կատարել առաջարկված քայլերը: Կան քայլեր, որոնց կատարումը ժամանակ է պահանջում, ես դա հասկանում եմ: Բայց կան քայլեր, որոնց կատարումը բարդություն չի պահանջում: Իրենց չիները չի ընկնի, եթե քաղբանտարկյալներին բաց թողնեն: Այդ հարցը ժամանակ չի պահանջում, այնպես որ` դա կարող են անել: Ես խորհուրդ կտամ սա դիտել որպես երկիրը սիրելու, առավել ևս ԼՂ հարց ունեցող երկիրը ծանր իրավիճակից հանելու քայլ: Հակառակ դեպքում, ժողովուրդն իր անելիքը կանի: Եթե դա իրենց ձեռնտու է, երկիրը նման զարգացման են տանում, իրենց խնդիրն է: Առավել ևս` հեռուստատեսությամբ դրա օրինակը մի քանի անգամ տեսել են: Բացի այդ, կա նաև միջազգային հանրություն, որի պահանջները մեր պահանջներից չեն տարբերվում: Հայաստանն էլ բազմաթիվ թղթեր է ստորագրել, պարտավորություն վերցրել իր վրա` այդ գործընթացներն անելու համար: Այնպես որ, նման դեպքում երկրորդ անգամ ուժ կիրառել փորձելու դեպքում միջազգային հանրության կողմից համարժեք պատասխան ստանալու են: Հայ ազգային կոնգրեսը հակված է քաղաքական լուծման, բայց այնքան պոտենցիալ և հասարակական աջակցություն ունի, որ կարող է իրեն առաջադրված պայմաններում խնդիրը լուծել շատ ավելի լավ, քան դա տեղի ունեցավ Եգիպտոսում, Թունիսում և արաբական մյուս երկրներում:


– Կոնգրեսի հնչեցրած առաջարկներն ընդունում են նաև խորհրդարանական ընդդիմության ներկայացուցիչները, բայց չեն ցանկանում գալ, կանգնել Կոնգրեսի կողքին: ՀՅԴ-ն, ինչու չէ` «Ժառանությունը» մեկնաբանում են, որ Կոնգրեսը ցանկանում է բոլորն ընդունեն Տեր-Պետրոսյանի անվերապահ լիդերությունը, իսկ իրենք դա չեն ուզում: Ձեր կարծիքով, ո՞րն է պատճառը, որ ընդունելով Կոնգրեսի առաջարկները, միևնույն է, չեն կանգնում Կոնգրեսի կողքին:


– Ես Լևոն Տեր-Պետրոսյանի անվերապահ լիդերությունն ընդունել եմ: Իրենք եթե չեն ուզում ընդունել նրա լիդերությունը, թող չընդունեն, եթե սեփական լիդերությունն են ուզում հաստատել, իրենց գործն է. հաջողություն եմ մաղթում, և թող փորձեն իրենք սեփական գաղափարների շուրջ նույնքան մարդ հավաքել, հանրահավաք անել, սեփական պահանջներ դնել, ինչպես անում է Լևոն Տեր-Պետրոսյանը, Հայ ազգային կոնգրեսը: Հավատացեք, եթե նախորդ հանրահավաքին ընդամենը 10 հազար մարդ լիներ, Լևոն Տեր-Պետրոսյանը չէր կարողանա նման պահանջներ դնել: Այնպես որ, ՀՅԴ-ն թող ընտրությունների հետ կապված խնդրով Կոնգրեսի նախորդ հանրահավաքի չափ կամ դրա կեսի, դրա կեսի կեսի չափ մարդ հավաքի, պահանջներ դնի, մտքեր գեներացնի: Ես դրանից միայն ուրախ կլինեմ, ես ուրախ եմ, երբ հասարակությունն անտարբեր չէ և մասնակցում է քաղաքական գործընթացներին: Այլ խնդիր է` ես հավատում եմ այդ ուժի ծավալած գործընթացին, թե ոչ, դա սուբյեկտիվ հարց է: Նույնը նաև «Ժառանգություն» կուսակցության դեպքում: Ես դատապարտում եմ «Ժառանգություն» կուսակցության պատգամավորների հանդեպ կառավարության շենքի մոտ կատարվածը: Ստահակ է նա, ով փորձում է ձեռք բարձրացնել Անահիտ Բախշյանի վրա: Ես դատապարտում եմ Զարուհի Փոստանջյանի եղբոր հետ կատարվածը, որը միանշանակ քաղաքական ենթատեքստ ունի: Թող մյուս ընդդիմադիր կուսակցություններն էլ կարողանան մեծ հանրահավաքներ անել, իրենց ուլտիմատումները ներկայացնել, առավել ևս, որ նրանց պահանջները մեր պահանջներից չեն տարբերվում: Ես դրանից կուրախանամ, քանի որ հասարակությունը երկիրը լքելու փոխարեն, դուրս կգա ու կպաշտպանի իր շահերը, կբացատրի, որ այս երկիրը հասարակությանն է, այլ ոչ թե իշխանություններինը:

Բաժիններ
Ուղիղ
Լրահոս
Որոնում