«Արաբական արևելքում բողոքի զանգվածային ակցիաները Եվրամիությանը մղում են զարգացնել «Արևելյան գործընկերության» անդամ երկրների հետ», հայտարարել է հարևանության եվրահանձնակատար Շտեֆան Ֆյուլեն:
Նա ելույթ է ունեցել Բրատիսլավայում անցկացվող գլոբալ անվտանգությանը վերաբերող համաժողովում, տեղեկացնում է Trend-ը:
Ֆյուլեն հերքել է այն մտայնությունը, որ տարածաշրջանում ժողովրդավարությունը հետընթաց է ունեցել խորհրդային տիպի կաշառակերության ու ավտորիտարիզմի ճնշման տակ:
«Արևելքում գտնվող գործընկերների հետ համագործակցելու ԵՄ-ի մտադրությունն անխախտելի է: Վերջին 20 տարվա ընթացքում մեր հարաբերությունների զարգացման փաստարկները գործում են նաև հիմա: Մեր միջև ավելի սերտ հարաբերությունները որոշիչ նշանակություն ունեն Եվրոպայում կայունության, զարգացման և ժողովրդավարության հաստատման համար»,- ասել է եվրահանձնակատարը:
Նա չի բացառել, որ 2011-ը կարող է լինել լուրջ փոփոխությունների տարի:
«Ներկայիս փոփոխությունները 1989-90 թվականների փոփոխությունների պես կարտացոլվեն ապագայում: Եվրոպան պետք է պատասխանի տեղի ունեցող իրադարձությունների ողջ վճռականությամբ, միասնականությամբ ու երևակայությամբ»,- հայտարարել է Ֆյուլեն:
Նա շեշտել է, որ ԵՄ-ի ու «Արևելյան գործընկերության» համագործակցության ձեռքբերումներից է մի քանի երկրների հետ ասոցացման բանակցությունների սկսումը: