Այսօր տեղի ունեցավ www.armhotels.am առաջին ազգային առցանց համակարգի շնորհանդեսը: Այդ համակարգը նրա համար է, որպեսզի ցանկացած զբոսաշրջիկ կարողանա հյուրանոցային համարներ պատվիրել Հայաստանու` ինտերնետի միջոցով ծանոթանալով նաև մեր հյուրանոցների վիճակի ու ծառայությունների 90-95%-ին:
Միջոցառմանը մասնակցեց և համակարգը գործարկեց ՀՀ վարչապետ Տիգրան Սարգսյանը: Նշենք, որ ծրագիրը իրականացվել է կառավարության կողմից հակաճգնաժամային միջոցառումների շրջանակներում տրված երաշխիքի օգնությամբ, որի արդյունքում «Ռումեա» ընկերությունը կարողացել է վարկ վերցնել «Արմսվիս» բանկին: Կառավարությունը այս ծրագիրը քննարկել է 2009թ-ին` օպերատիվ շտաբում:
Ինչպես իր խոսքում նշեց «Ռումեա»-ի գործադիր տնօրեն Ռուբեն Գրիգորյանը` մինչև այս համակարգի ներդրումը ՀՀ-ի 170 հյուրանոցներից միայն 5-ում էր հնարավոր առցանց (ինտերնետի միջոցով) ծանոթանալ ծառայություններին և համարներ պատվիրել:
Այսօր արդեն համակարգին միացված է ՀՀ-ի 106 հյուրանոց, որոնցից 73-ը (այդ թվում` 8-ը ԼՂ-ում) ամբողջությամբ կարողանում են աշխատել առցանց այս համակարգով: